غور کې د کرنیزو محصولاتو مدیریت د پروژې چارې ډېرژر بشپړیږي
۲۱لړم ۱۳۹۹
د غور ولایت د کرنې، اوبولګولو او مالدارۍ ریاست وایي، چې په دې ولایت کې د کرنیزو محصولاتو مدیریت د یوشمېر پروژو چارې بشپړ شوي او د یوشمېر نورو هغو چارې یې د بشپړېدو په درشل کې دي، چې ډېر ژر به بشپړ او ګټې اخیستنې ته وسپارل شي.
د یاد ریاست په خبره په ټولیزه توګه د نویو پروژو د پلي کېدو چارې ۸۵ سلنه بشپړ شوي دي.
د کرنې، اوبولګولو او مالدارۍ وزارت د کرنیزو محصولاتو مدیریت د پروژې په اډانه کې په غور کې د کچالو ۳۲۷ او د پیازو ۲۰ زېرمتونونه او دغه راز ۲۰صفرانرژۍ سړې خونې جوړوي.
د غور د کرنې ریاست چارواکي وایي، چې تر دې دمه ۸۰ سلنه زېرمتونونه ګټې اخیستنې ته سپارل شوي دي.
