سنګ آتش ولسوالی ته د بادغیس دکرنې رییس سفر
د بادغیس دکرنې، اوبولګولو او مالدارۍ رییس مولوی پیر محمد حلیمي د دې ولایت د سنګ آتش ولسوالی دکرنې او مالدارۍ وضعیت د ارزونې په پآر یاد ولایت ته سفر وکړ.
ددې سفر په ترڅ کې د بادغیس دکرنې رییس مولوي پیرمحمد حلیمي د سنګ آتش ولسوال، سیمه ییز چارواکو، علما او مخورو سره په کتنه کې ددې ولسوالی دکرنې او مالدارۍ پر ننګونو او ستونزو د ځنګلونو د خوندیتوب په هکله خبرې اترې وکړې.
په دې لیدنه کې د بادغیس دکرنې رییس د ځنګلونو د خوندیتوب او پراختیا په برخه کې د غونډې ګډونوالو د ځنګلونو د خوندیتوب او بیارغونې په برخه کې ته دامیرالمؤمنین حفظه الله تعالی حکم تشریح کړ.
په همدې حال کې د سنګ آتش ولسوال او سیمه ییزو چارواکو د بادغیس دکرنې رییس ته د هراړخیزې همکارۍ ډاډ څرګند کړ.
