د کندهار سپین بولدک ولسوالۍ کې د نیمه ځنګلي ریګي بوټو د ناقانونه انتقال مخه ونیول شوه 

mail-admin
یکشنبه ۱۴۰۴/۱۲/۲۶ - ۱۳:۵۳
د کندهار سپین بولدک ولسوالۍ کې د نیمه ځنګلي ریګي بوټو د ناقانونه انتقال مخه ونیول شوه 

۲۶ کب ۱۴۰۳ه‍.ش
۱۶ رَمَضانُ المُبارَک ۱۴۴۶ه‍.ق
د کندهار د کرنې، اوبو لګولو او مالدارۍ ریاست په مشرۍ د سپین بولدک ولسوالۍ د ځنګلونو او څړځایونو د ساتنې مسؤلینو د یادې ولسوالۍ په بېلابېلو سیمو کې د طبیعي، ځنګلي او ریګي بوټو د ساتنې او پرېکولو د مخنیوي کمپاین ترسره کړ.
د دې کمپاین په ترڅ کې د یادې ولسوالۍ په شپږمه ناحیه کې د نیمه ځنګلي ریګي بوټو د ناقانونه انتقال مخه ونیول شوه. مسؤلین وایي چې یو تن غوښتل دا بوټي په غیرقانوني ډول انتقال کړي او د شخصي موخو لپاره یې وکاروي، خو پر وخت اقدام وشو او مخه یې ونیول شوه.
ریګي بوټي د دښتي او ریګي سیمو لپاره ارزښتناک ګڼل کېږي، ځکه چې د دوی ساتنه د هوا ککړتیا کموي، د ریګ د خپرېدو مخنیوی کوي او د سیمې ایکولوژیکي توازن ساتي.
د یادونې وړ ده چې د کرنې ریاست په وروستیو کې د طبیعي بوټو د قاچاق او پرېکولو د مخنیوي لپاره ګڼ شمېر کمپاینونه ترسره کړي دي. دوه ورځې وړاندې هم د سپین بولدک ولسوالۍ پنځمه ناحیه کې د سسي بوټو د ناقانونه انتقال مخه نیول شوې وه.

تازه ترین اخبار

دوشنبه ۱۴۰۴/۱۲/۲۷ - ۱۱:۴۷
Background image

د پکتیکا ولایت اورګون ولسوالی کې د نیالګیو کښېنولو اشر پیل شو


۲۷ کب ۱۴۰۳ه‍.ش
۱۷ رَمَضانُ المُبارَک ۱۴۴۶ه‍.ق
د پکتیکا ولایت اورګون ولسوالۍ کې د نیالګیو کښېنولو د عامه اشر پرانیستغونډه وشوه، چې پکې د کرنې رییس محمد زمان عمري، د ولسوالۍ مسؤلینو،. . .

دوشنبه ۱۴۰۴/۱۲/۲۷ - ۱۰:۵۵
Background image

ننګرهار کې د ۱.۳۷ میلیونه افغانیو په لګښت د موتیا ګلانو ننداریزې کروندې جوړې شوې

۲۶ کب ۱۴۰۳ه‍.ش
۱۶ رَمَضانُ المُبارَک ۱۴۴۶ه‍.ق
د ننګرهار د کرنې، اوبو لګولو او مالدارۍ رییس مولوي محمد ولي محسن وویل، چې د روان کال د ننګرهار ولایت په شپږو ولسوالیو بهسود، حصارک، سره رود. . .

دوشنبه ۱۴۰۴/۱۲/۲۷ - ۱۰:۵۲
Background image

میدان وردګو ولایت کې د قوشتیپې ملي کانال پروژې لپاره د سنځلو زرګونه قلمې راټولې شوې دي

۲۶ کب ۱۴۰۳ه‍.ش
۱۶ رَمَضانُ المُبارَک ۱۴۴۶ه‍.ق
د میدان وردګو ولایت د کرنې، اوبو لګولو او مالدارۍ ریاست په همغږۍ، د قوشتیپې ملي کانال پروژې لپاره د سنځلو د قلمو راټولولو چارې روانې دي.
تر. . .

بازگشت