د کندهار دکرنې ریاست: د ارغستان د سردرې چکډېم رغنیزې چارې نږدې ۹۵ سلنه بشپړ شوي
۲ سلواغه ۱۴۰۳ه.ش
۲۱ رَجَب المُرَجَّب ۱۴۴۶ه.ق
د کرنې، اوبو لګولو او مالدارۍ وزارت او کندهار د کرنې، اوبو لګولو مالدارۍ ریاست؛ د طبیعي سرچینو آمریت سره کډ پلاوي د ارغستان ولسوالی سردرې سیمي چکډېم رغنیزو چارو څخه څارنه وکړه.
یاد ګډ پلاوي د کندهار ارغستان ولسوالی د سر درې چکډېم ودانیزو چارو د پرمختګ او کیفیت د ارزونې په موخه څارنه وکړه. د یادي څارنې پر مهال، د چکډېم د جوړېدو پر بهیر هر اړخیزه کتنه وشوه او د یادو انجینرانو له لوري د چکډېم کارونو د ښه بهبود، لا ښهوالي او کیفیت لوړولو په موخو اړوندو چارواکو ته مهمې سپارښتنې وشوې.
د یاد پلاوي په خبره ددې چکډېم رغنیزې چارې نږدې ۹۵ سلنه بشپړ شوي دي، چې پاتې چارې به یې د څه کم دوو میاشتو په لړ کې بشپړې او ګټې اخیستنې ته به وسپارل شي.
نوموړي چګډیم د کندهار د کرنې، اوبو لګولو او مالدارۍ ریاست په هڅو، دکرنې وزارت په پراختیایي بودیجه، او د یو خصوصي ودانیز شرکت په تخنیکي همکارۍ د ارغستان ولسوالی په سردرې کلی کې د ۳.۴ میلیونه افغانیو په لګښت د کندهار طبیعي سرچینو آمریت تر مستقیمې څارنې لاندې جوړېږي، چې په کې ۱۰ کسانو ته په فني او ۱۵ نورو کسانو ته په غیرفني برخو کې د کار زمینه هم برابره شوې ده.
یادونې وړ ده، چې دا چکډیم د کندهار د کرنې، اوبو لګولو او مالدارۍ ریاست په هڅو، د افغانستان د کرنې، اوبو لګولو او مالدارۍ وزارت د پراختیایي بودیجه او د یو خصوصي ودانیز شرکت په تخنیکي همکارۍ د ارغستان ولسوالۍ د سردري په کلي کې د ۳.۴ میلیونه افغانیو په لګښت جوړ سوی دی. د دې پروژې په ترڅ کې ۱۰ کسانو ته په فني برخو کې او ۱۵ کسانو ته په غیر فني برخو کې د کار زمینه برابره سوې وه.
