د کندهار دوو ولسوالیو کې ۱۷۰۰ بزګرانو ته د غنمو تخم او کیمیاوي سرې وویشل شوې
۱۰ مرغومې ۱۴۰۴ه.ش
۱۰ رَجَب المُرَجَّب ۱۴۴۷ه.ق
د کندهار د کرنې، اوبو لګولو او مالدارۍ ریاست په هڅه، د اروپایي ټولني په مالي ملاتړ او د کندهار د کډوالو مؤسسې (کې.آر.او) په تخنیکي همکاري د کندهار دوو ولسوالیو کې پر یو زر ۷۰۰ بزګرانو هر یو بزګر ته ۵۰ کیلو د غنمو اصلاح شوي تخم، ۵۰ کیلو توره سره او ۵۰ کیلو سپینه سره ووېشل شوه.
ددې پروسې په لړ کې د دامان ولسوالی زرو کروندګرو او د ښورابک ولسوالی ۷۰۰ بزګران اصلاح شوي دغنمو تخمونه او کیمیاوي سرې تر لاسه کړي دي، چې د یادې مرستي د روڼتیا، عادلانه وېش او وړ بزګرانو د انتخاب لپاره یو کډه کمیټه هم جوړه شوې وه، چې تر نوم لیکني وروسته اوس مهال ورته چمتو شوي مرسته ووېشل شول.
د مرستي څخه برخمن سویو بزګرانو ته د غنمو تخم وړاندې د غنمو کرنې، کیمیاوي سرې کاروني، اوبو لګولو، نوي میتودونو، په کتاري ډول د غنمو کرنې او ورته نورو برخو کې روزنه ورکړل شوې ده.
د یادې مرستي څخه موخه په کندهار کې اصلاح شویو تخمونو ته وده او پراختیا ورکول، د اړمنو او بیوزلو کورنیو لپاره د نوي اصلاح شوي ورایټۍ چمتو کول، د بزګرانو اقتصادي ملاتړ، له کمي ځمکې څخه زیات حاصل ترلاسه کول او ترڅنګ یې د هغوی اقتصاد ته وده پراختیا ورکول دي.
د یادونې وړ ده، چې وړاندې هم د یادې مرستي په لړ کې د نوموړي سازمان له لوري د کندهار په پنځو نورو ولسوالیو کې هم ۲ زره ۹۶ تنه بزګرانو ته ورته مرسته د ننداریزو کرنې په موخه وېشل شوې وه، چې بزګران به یې په روان فصل کې په کتاري ډول کرنه ترسره کړي.
