د کندهار ارغستان کې د موسمي اوبو مدیریت په پار د چکډم جوړولو چارې پیل شوې
![د کندهار ارغستان کې د موسمي اوبو مدیریت په پار د چکډم جوړولو چارې پیل شوې](https://www.mail.gov.af/sites/default/files/2024-03/222_0.jpg)
۲۴ کب ۱۴۰۲ه.ش
۴ رَمَضانُ المُبارَک ۱۴۴۵ه.ق
د کرنې، اوبولګولو او مالدارۍ وزارت له خوا د کندهار ولایت په ١٩ ولسوالیو کې د سېلابونو د مخنیوي، د ځمکې لاندې اوبو د پیاوړتیا، د خاورې د تخریب او د رسوبي موادو او اوبو د مدیریت په موخه ١٩ چکډمونه جوړېږي.
ددغو چکډمونو د جوړولو په ترڅ کې د کندهار ولایت د ارغستان په ولسوالی کې د موسمي اوبو مدیریت په موخه د چکډم جوړولو چارې پیل شوي دي.
یاد چکډېم دکرنې، اوبولګولو او مالدارۍ وزارت د پراختیایي بودیجې له لارې جوړېږي، چې د زرکونه متر مکعب اوبو د زېرمه کولو وړتیا لري، چې د یوې میاشتې په ترڅ کې به یې رغنیزې چارې بشپړ او ګټې اخیستنې ته به وسپارل شي.
یاد چکډم به د اوبو د سطحې په لوړوالي کي ګټور تمام شي او تر ډېره حده به د یادې سیمې د اوبو ستونزه هواره او یوشمېر خلکو ته په کې دکار زمینه هم برابره شوې ده.