د کرنې په سکټور کې د ملګرو ملتونو د پراختیایي ادارې، د پروژو په پلي کولو کې همغږي ډېریږي
۵ تله ۱۳۹۹
د کرنې، اوبولګولو او مالدارۍ وزارت سرپرست او نوماند وزیر ډاکټر انوارالحق احدي، دخپل کار په دفتر کې په افغانستان کې د ملګرو ملتونو د پراختیایي ادارې « UNDP» له سلاکار ویساحمد برمک سره وکتل او د کرنې په سکټور کې د ملګرو ملتونو د پروژو په هکله خبرې اترې وکړې.
په دې کتنه کې، ویساحمد برمک د کرنې په سکټور کې د ملګرو ملتونو د پراختیایي ادارې د یوشمېر پروژو د پلي کېدو په برخه کې د شته ننګونو د هوارولو په موخه د کرنې وزارت د مشرتابه د لا زیاتو همکاریو غوښتنه وکړه.
په همدې حال، ډاکټر انوارالحق احدي هم د شته ننګونو په هوارولو ټینګار وکړ او وویل، چې د کرنې په سکټور کې دغورو چوپړونو د وړاندې کولو په پار به د ملګرو ملتونو د پراختیایي ادارې د پروژو په پلي کولو کې هغږي لا ډېر شي.
