د کرنې وزیر افغانستان لپاره د یواېن او ډي سي له استازي سره وکتل

۲۰ چنګاښ ۱۴۰۰
دکرنې، اوبولګولو او مالدارۍ وزیر افغانستان لپاره له مخدره توکو او جرمونو سره د ملګرو ملتونو د مبارزې ادارې (UNODC) استازی سیسر ګویډس سره د کرنې په سکټورکې ددې ادارې د همکاریو په هکله خبرې وکړې.
په دې کته کې ښاغلی ګویډس وویل، چې له مخدره توکو او جرمونو سره د ملګرو ملتونو د مبارزې اداره (UNODC) په افغانستان کې نړیوالو مارکېټونو ته د خلکو لاس رسی او ټرانزیټ په برخه کې کار کوي. هغه دغه راز وویل، چې یاد اداره په خپل ماموریت کې درې موخې له ډلې د قانون پلي کېدل، جزایي عدالت او د بدیل پرمختیا تعقیبوي.
دکرنې، اوبولګولو او مالدارۍ وزیر ډاکټر انوارالحق احدي، له مخدره توکو او جرمونو سره د ملګرو ملتونو د مبارزې ادارې له همکاریو څخه د مننې ترڅنګ د یادې ادارې د دوامداره همکاریو غوښتنه وکړه.
ښاغلی ګویډس په افغانستان کې د یواېن او ډي سي د دوامداره فعالیتونو ډاډ ورکړ.