د کرنې وزير د کرنې د پراختيا وجهي صندوق له چارواکو سره وکتل

mail-admin
یکشنبه ۱۴۰۰/۲/۱۲ - ۱۷:۴۴
ملاقات وزیر زراعت با مسوولین صندوق وجهی انکشاف زراعت

۱۲غويی ١٤۰۰
د کرنې، اوبولګولو او مالدارۍ وزير ډاکټر انوارالحق احدي دخپل کار په دفتر کې دکرنې د پراختيا وجهي صندوق "ADF" له چارواکو او يوشمېر کارکوونکو سره وکتل.
په دې کتنه کې، دکرنې د پراختيا وجهي صندوق د پلاوي رييس ايمل آرمان د ياد صندوق د کړنو او د ۱۴۰۰کال د برنامو په هکله دکرنې وزير ته مفصل مالومات وړاندې کړل.
په دې کتنه کې دغه راز دکرنې، اوبولګولو او مالدارۍ وزير په ولايتونو کې د کرنې د پراختيا وجهي صندوق د برنامو د پلي کېدو د څرنګوالي په پار لارښوونې او سپارښتنې وکړې.
ښاغلی احدي وويل، چې افغانستان يو کرنيز هېواد دی او ټينګار يې وکړ چې کرنيزو پورونو ته د بزګرانو او کرنيزو متشبثينو د لاس رسي په پار بايد اسانتياوې او ځانګړې پاملرنه ووشي.
د کرنې د پراختيا وجهي صندوق، د روان لمريز کال په ترڅ کې په ۳۴ ولايتونو کې په څه باندې اووه زره بزګرانو مالدارۍ او کرنيز پورونه وېشي.
ددغو پورونو دوېش لړۍ د ۱۴۰۰ مالي کال په لومړيو کې پيل شوي دي.
د روان مالي کال لپاره ددې بنسټ بوديجه ۱.۸ميليارډه افغانۍ ده. دا بوديجه د متحده ايالاتو نړيوال پراختيايي ادارې "USAID" له خوا تامينېږي.

 

تازه ترین اخبار

پنجشنبه ۱۴۰۰/۲/۱۶ - ۱۱:۳
Background image

د کرنې وزارت په دوو ولایتونو کې ۷۴ سلفر خونې رغوي

۱۶ غوایي ۱۴۰۰
دکرنې، اوبولګولو او مالدارۍ وزارت د بڼوالۍ د پراختیا په پار په دوو ولایتونو میدان وردګ او بامیانو کې د ۷۴ سلفرخونو د رغولو پلان لري.
دغه سلفرخونې د روان ۱۴۰۰ کال په ترڅ کې. . .

چهارشنبه ۱۴۰۰/۲/۱۵ - ۱۵:۴۰
Background image

درې ولایتونو کې څلور حیواني کلینیکونه جوړېږي

۱۵ غویی ۱۴۰۰
د کرنې، اوبولګولو او مالدارۍ وزارت د حیواني روغتیا ریاست په پام کې لري، چې سږکال د کابل، کندز او لوګر په ولایتونو کې څلور حیواني کلینیکونه جوړ کړي.
د حیواني کلینیکونو. . .
چهارشنبه ۱۴۰۰/۲/۱۵ - ۱۴:۳۶
Background image

د سویابینو دودولو او پراختیا په پار ۴۲۰ ننداریزې کروندې جوړېږي

۱۵غویی ۱۴۰۰
د کرنې، اوبولګولو او مالدارۍ وزارت په ۱۴۰۰م کال کې د سویابینو دودولو او پراختیا لپاره د هېواد په یو شمېر ولایتونو کې د سویابینو ۴۲۰ ننداریزې کروندې جوړوي.
د کرنې وزارت د. . .

بازگشت