د کرنې وزارت د مالي او اداري مرستیال لهخوا د کندز د کرنې ریاست ارزونه
۱ وږی ۱۴۰۵ هـ.ش
۹ رَبِیعُ الْأَوَّل ۱۴۴۸ هـ.ق
د کرنې، اوبو لګولو او مالدارۍ وزارت مالي او اداري مرستیال مولوي نورالدین عمیر، کندز ولایت ته د خپل رسمي سفر په ترڅ کې د دغه ولایت د کرنې، اوبو لګولو او مالدارۍ ریاست څخه لیدنه وکړه او د یاد ریاست له مسوولینو او کارکوونکو سره یې وکتل.
په دې لیدنه کې د کندز د کرنې ریاست فعالیتونه او کاري وضعیت وڅېړل شو او د مالي او اداري چارو دښهوالي، تدارکاتو، عشر او زکات، د مخابراتي انتنونو د تثبیت او څرنګوالي، د ځمکو د چارو او نورو اړوندو برخو په اړه خبرې اترې وشوې.
د کرنې وزارت مالي او اداري مرستیال د مسوولینو د راپور له اورېدو وروسته، د روڼتیا په تامین، د اداري او مالي چارو پر غوره تنظیم، د کارکوونکو او مراجعینو ستونزو ته پر حللارو، د بېلابېلو برخو ترمنځ د همغږۍ پر پیاوړتیا او د اصولو او مقرراتو سره سم د چارو پر مخ وړلو ټینګار وکړ.
نوموړي دغه راز د کاري بهیر د ښهوالي لپاره لازمې لارښوونې وکړې او له مسوولینو او کارکوونکو څخه یې وغوښتل، چې د مسوولیت په احساس او لا زیاتې هڅې سره هېوادوالو ته اغېزمن او باکیفیته خدمات وړاندې کړي.
د کندز د کرنې ریاست چارواکو هم د وزارت د پروګرامونو د پلي کولو او د کرنې، اوبو لګولو او مالدارۍ په برخو کې د خدماتو د ښه کولو لپاره د خپلو هڅو پر دوام ټینګار وکړ.
