د کابل په بادامباغ کې د بزګرمېلې او پسرلني نندارتون د لغوې خبرتیا
۱۸ کب ۱۳۹۸
ټاکل شوې وه، چې د کرنې، اوبولګولو او مالدارۍ وزارت له خوا، د وري له دویمې تر پنځمې نېټې پورې د بزګر مېله او د کرنیزو توکو پسرلني نندارتون د کابل په بادامباغ کې په لاره واچول شي، خو د روغتیا وزارت د لارښوونو د ښه پلي کېدو او د کرونا ویروس له احتمالي خپرېدو څخه د مخنیوي په موخه دا مېله او نندارتون لغو شوې ده.
په همدې موخه، د هېواد لر او بر کې ټولو غرفه لرونکو، نندارتون کې د ګډون لېوالو کسانو او ښاغلیو بزګرانو ته خبر ورکول کیږي ، چې په کابل کې یاد نندارتون او مېله لغو شوي دي او نه ترسره کیږي.
ددې لپاره، چې د بزګر مېلي او دکرنیزو محصولاتو په نندارتون کې د هېواد له ټولو ولایتونو څخه غرفه لرونکي او پېرېدونکي راتلل، د کرنې وزارت د روغتیا وزارت د لارښوونو د لاښه پلي کولو او د هېوادوالو د روغتیا خوندي کولو په موخه یاد نندارتون او مېله لغوه کړئ دی.
په درنښت
د کرنې، اوبولګولو او مالدارۍ وزارت
