د پکتیا روحاني بابا کې پر زیانمنو مالدارانو د څارویو خوراکي توکي وېشل کېږي
١۶ کب ۱۴۰۲ه.ش
٢۴ شَعبان المُعَظّم ۱۴۴۵ه.ق
د پکتیا د کرنې، اوبولګولو او مالدارۍ ریاست وایي، چې ددې ولایت پر هغو مالدارانو او کوچیانو چې د ډېرو ورښتونو له امله یې څاروي له لوږې سره مخ دي، د خوراکي توکو(وښو) وېش لړۍ پيل شوی دی.
د پکتیا دکرنې ریاست د چارواکو په خبره ددې ولایت دروحاني بابا ولسوالی کوچیان او مالداران سروې شوي دي، چې ډېر ژر به پر دوی د څارویو د خوراکي توکو وېش لړۍ پیل شي.
دا مرستې په داسې حال کې ترسره کېږي، چې د کرنې وزارت په وړاندیز د ا.ا.ا ریاست الوزارء په ټول هېواد کې هغو مالدارانو سره د مرستې لړۍ پیل کړی دی، چې د وروستیو ورښتونو او واورې له وجې د څارویو خوراکي توکي ته لاس رسی نه لري.
