د هلمند ناوه کې زرو مالدارانو سره د مرستې لړۍ پیل شوی ده
![د هلمند ناوه کې زرو مالدارانو سره د مرستې لړۍ پیل شوی ده](https://www.mail.gov.af/sites/default/files/2024-04/img-20240408-wa0075.jpg)
دهلمند ولایت د کرنې، اوبولګولو او مالدارۍ ریاست لخوا، د بشري خیریه مؤسسې په مالي همکارۍ د ناوې ولسوالی زرو تنو مالدارانو سره د حیواني خوراکې د مرستې تر څنګ د زده کړو لړۍ له وړاندې پیل شوې وه، چې له دې ډلې څخه ٥٠٠ تنو ته له وړاندې توزیع ترسره او د پاتې کورنیو سره د مرستو لړۍ دوام لري.
ددغو مرستو په لړ کې د یادې ولسوالی ټوله ١٠٠٠ کورنیو ته د څارویو ٤ - ٤ بوجۍ حیواني خوراکه او د حیواني ناروغیو مخنیوئی په اړه روزنه ورکول کېږي.
د یادولو وړ ده، چې د مستحقو کورنیو د سروې لړۍ د یو ګډ پلاوي لخوا مخکې ترسره شوې ده، چې دامهال یې د توزیع چارې روانې دي.
هلمند کې د کرنې ریاست هڅه کوي ترڅو د بېلابېلو برنامو له لارې د بزګرو او مالدارو لاسنیوی وکړي ترڅو ددوی په کرنیز اقتصاد کې بهبود او نوښت رامنځته شي.