د هلمند بولان څېړنیز فارم کې په ګڼو نباتاتو څېړنې روانې دي
۲۴ لېندۍ ۱۴۰۳ه.ش
۱۲ جُمَادَى الثاني۱۴۴۶ه.ق
د هلمند د کرني، اوبو لګولو او مالدارۍ ریاست د کرنیزو چارو آمریت اړوند د کرنیزو څېړنو مدیریت مسلکي کارکوونکو لخوا د بولان څېړنیز فارم کي د مورنيو او هستوي تخمونو او تجاربو باندې څیړنې روانې دي.
په یادو څېړنو کې دغنمو او وربشو۱۲ سیټه ملي او نړۍوالې تجربې په دریو بخشونو ګی (داصلاح ، اګرانومي او ناروغیو) کرنه ترسره او د جرمنشین نتایج یی راټول شول او ترڅنګ یې د بېلابېلو مېوه لرونکو ونو نیالګي هم روزل کېږي.
د هلمند دکرنې ریاست چارواکي وايي، چې دغنمو ترڅنګ د نخودو ۱۵ ډوله، د شړشم څلور ډوله، د غرو درې ډوله، د کشنیزو درې ډوله او د پیازو په دوه ډوله ورایټیو هم څېړنې روانې دي.
د هلمند دکرنې ریاست په پام کې لري، چې په هلمند کي د بېلابېلو نباتاتو، حبوباتو، سبو او مېوو د تخمونو د اصلاح، ترویج او تکثیر په برخه کي د خپلو مسلکي کارمندانو په مټ کار وکړي تر څو له مخي یې د ځمکوالو حاصلات لوړ او د قناعت وړ عاید ترلاسه کړي.
د یادولو وړ ده چې دا مهال د بولان څیړنیز فارم کې دغه تجربې د مسلکي کارکوونکو لخوا تر څېړنو لاندې دي، چې پر وخت به یې ټولې چارې تر سره شي.
