د هرات د نیالګیو اېښودو په سږني کمپین کې به څه باندې ۶۰ زره نیالګي کېنول شي

mail-admin
یکشنبه ۱۳۹۹/۱۱/۱۹ - ۱۴:۸
قرار است در کمپین نهال‌شانی امسال در هرات، بیش از۶۰ هزار نهال غرس شود

۱۹ سلواغه ۱۳۹۹
د ګذرې ولسوالۍ د پشتون پل په سیمه کې د نیالګیو اېښودو کمپاین د ولایت د مقام مرستیالې محنسه حسن‌زاده، د کرنې رییس عبدالصبور رحماني، د چاپېریال ساتنې رییس نصیر احمدفضلي، د کرنې ریاست د یوشمېر همکارانو، د رسنیو استازو او دغه راز بزګرانو په شتون کې رسماً پیل شو.
د هرات دکرنې رییس عبدالصبور رحماني وایي: «ددې کمپین په ترڅ کې ټاکل شوې، چې د ولایت د مقام د ونډې پر اساس به پر امنیتي ارګانونو، ۱۹ ولسوالیو او دولتي اداراتو د زرغونتیا او د هوا د ککړتیا سره د مبارزې په پار څه باندې ۶۰ زره تزئیني، مثمر او غیر مثمر نیالګي ووېشل شي او کېښودل شي.»
د نیالګیو اېښودو کمپین د هرات ولایت د کرنې ریاست له خوا هرکال د سمسورو او زرغونو سیمو د ایجادولو او د هوا د ککړتیا د مخنیوي په پار په لاره اچول کېږي.
د نیالګیو اېښودو د کمپین په پرانیست غونډه کې د هرات د کرنې رییس له خلکو غوښتنه وکړه، چې د نیالګیو د خوندیتوب او دغه راز ددې لړۍ د پیاوړتیا په برخه کې ډېره ونډه واخلي.
ددې کمپین په ترڅ کې د هرات دکرنې ریاست به په خپلو اړوندو سیمو کې، نږدې ۲۰ زره نیالګي غرس، خړوبه او خوندي کړي.
هرات کې د نیالګیو اېښودو کمپین هرکال د سلواغې په ۱۵ پیل او د وري تر دویمه دوام کوي.

تازه ترین اخبار

چهارشنبه ۱۴۰۴/۴/۴ - ۸:۵۶
Background image

د کندهار ولایت د کرنې ریاست نوی رییس معرفي شو

۳ چنګاښ ۱۴۰۴ ه‍.ش
۲۷ ذُو الحِجَّةِ ۱۴۴۶ه‍.ق
د افغانستان اسلامي امارت زعیم عالیقدر امیرالمؤمنین شیخ هبت‌الله حفظه الله تعالی ورعاه د حکم له مخې، الحاج مولوي عبدالرشید منیب د کندهار د. . .

چهارشنبه ۱۴۰۴/۴/۴ - ۸:۵۵
Background image

په افغانستان کې د درېیو معیاري سړو خونو د ځای ټاکلو لپاره د چین د ولسي جمهوریت د پلاوي تخنیکي سروې

د کرنې، اوبولګولو او مالدارۍ وزارت او د چین د ولسي جمهوریت ترمنځ د تخنیکي همکاریو په اډانه کې، د چین تخنیکي پلاوی افغانستان ته راغلي او د هېواد په بېلابېلو ولایتونو کې یې د درې معیاري. . .

سه‌شنبه ۱۴۰۴/۴/۳ - ۱۰:۲۵
Background image

کندهار کې یوشمېر بزګرانو ته د جوارو د ننداریزو کروندو لپاره کرنیز توکي ووېشل شول

۳ چنګاښ ۱۴۰۴ ه‍.ش
۲۷ ذُو الحِجَّةِ ۱۴۴۶ه‍.ق
د کندهار د کرنې ریاست له لوري د کرنې، اوبولګولو او مالدارۍ وزارت د پراختیایي بودیجې له لارې ۲۰تنو بزګرانو ته د جوارو د ننداریزو کروندو د کرلو. . .

بازگشت