د ننګرهار کانال شرکت: نږدې راتلونکې کې به د زیتونو اچار او تېلو پروسس پیل شي
۲۰ وږي ۱۴۰۲ه.ش
۲۵ صَفَرُ المُظَفَّر ۱۴۴۵ه.ق
د ننګرهار کانال شرکت چاراکي وایي، چې په نږدې راتلونکې کې به په دې شرکت کې د زیتونو اچار او تېلو پروسس چارې پیل شي.
د شنوزيتونوڅخه اچارجوړونې پروسه هرکال د وږي له ۲۵ مه نېټې څخه وروسته پېلېږي او د تورو زیتونو څخه چې ترې زیتون تېل ترلاسه کېږي د لړم په میاشت کې پېلېږي.
په همدې موخه د زیتونو فابرېکې امر مولوي اختر محمد هاشمي، د لابراتوار مدیراو فني کارکوونکي د شنوزيتونو تخمر، اچارجوړونې پروسي لپاره، د دوهم او څلورم فارمونو امرینو په ملتیا دزيتونو بڼونو او په کې شته زیتون دانو / مېوو څخه له نږدې ليدنه وشوه.
د ویلو ده، چې د ننګرهارکانال د جوړېدو سره سم په څلورګونو فارمونو کې په ۳۱۰۰ هکتاره ځمکې زیتون بڼونه جوړ و، چې انقلابي ناسازه شرایطو او جنګونو يې ۱۳۸۰ هکتاره بڼونه له منځه وړي اوس د ننګرهارکانال په څلورګونو فارمونو کې په ۱۷۲۰ هکتاره ځمکې زیتون بڼونه پاتي دي، چې هر کال ترې زیتون تېل او اچار پروسس کېږي او د هېوادوالو خدمت ته وړاندې کېږي.
باید وویل شي، چې په دې وروستیو کې د ننګرهار کانال شرکت کې د زیتونو نږدې ۵۰۰ جریبه نوي بڼونه هم جوړ شوي دي.
