د ننګرهار کانال شرکت نوی رییس معرفي او خپلې چارې پیل کړې  

mail-admin
دوشنبه ۱۴۰۳/۶/۵ - ۱۵:۵۳
د ننګرهار کانال شرکت نوی رییس معرفي او خپلې چارې پیل کړې  

۵ وږی ۱۴۰۳ه‍.ش
۲۲ صَفَر المُظَفَّر ۱۴۴۶ه‍.ق
د ننګرهار کانال شرکت نوی رییس الحاج ملا محمد نعیم آغا، د یوې غونډې په ترڅ کې د ننګرهار کانال شرکت کارکوونکو ته تر پېژندنې وروسته خپلې چارې پیل کړې
په دې اړه جوړو شویو مراسمو کې د ننګرهار ولايت مرستيال مولوي سعيد احمد بنوری، د امارتي شرکتونو رهبرۍ پلاوی استازی مولوي عبدالحميد اخندزاده ، ننګرهار ولايتي ادارې یو شمېر رییسانو، د بېلا بېلو سکټورونو مشرانو او د ننګرهار کانال شرکت کارکوونکو گډون کړی وو.
د غونډې په پیل کې د ننګرهار ولايت مرستيال مولوي سعيد احمد بنوری خبرې وکړې وې ویل: «تغیر او تبدیل په هر نظام کې یو اصل دی او موخه یې د هېواد ابادي او اقتصادي پرمختگ وي.» هغه زیاته کړه، موږ ټول باید د یوه ځان بسیا افغانستان لپاره په گډه کاروکړو تر څو مو په راتلونکي کې هېواد او هېوداول له هر اړخه په ځان بسیا شي، نوموړي د کانال شرکت پخواني رییس مولوي غلام الرحمن کظيم کړي خدمات وستايل او نوي رييس ته يې د بريا دعا وکړه .
ورپسې د شرکتونو رهبرۍ پلاوی په استازيتوب حاجي عبدالحميد اخندزاده خبرې وکړې، تغير او تبديل يې د بشري سرچينو اساسي اصل وباله او د نوی رییس الحاج ملا محمد نعیم آغا په اړه يې راغلی حکم ولوست.
وروسته د ننګرهار کانال شرکت پخواني رییس مولوي غلام الرحمن کظيم خبرې وکړې زياته يې کړه تغير او تبديل د يوه نظام او يوې ادارې اصل دې، موږ او تاسې په نظام او حکومت په اډانه او چوکاټ کې د تغيراتو او تبديلۍ شاهدان يو، زه نوی رییس ته په ورسپارل شوی دنده کې برياوې غواړم او د هر ډول همکارۍ ډاډ ورکوم.
ورپسې د ننګرهار کانال شرکت نوی رییس الحاج محمد نعیم آغا، د خبرو پرمهال د اسلامي امارت له رهبرۍ څخه مننه وکړه او زیاته یې کړه، چې په ټول توان سره به د ننګرهار کانال شرکت لا پرمختګ او ستونزو هوارولو په برخه کې به هڅه وکړي. همدارنګه هغه د ننګرهار کانال شرکت له ټولو کارکونکو څخه وغوښتل، تر څو لا په پوره صداقت او رښتنولي سره کار وکړي د خلکو خدمت وکړي، او ننګرهار کانال ملي پروژه په پښو ودروي .

تازه ترین اخبار

یکشنبه ۱۴۰۳/۶/۱۱ - ۱۱:۳۵
Background image

ننګرهار کې د اسلامیک ریلیف مؤسسې د کړنو اروزنه وشوه

۱۱ وږی ۱۴۰۳ه‍.ش
۲۸ صَفَر المُظَفَّر ۱۴۴۶ه‍.ق
د ننګرهار د کرنې، اوبو لګولو او مالدارۍ ریاست په لارښوونه د کرنیزو خدمتونو امر مفتي عزیز الرحمن عزیز او د احصایي او ارقامو د تنظیم امر قاري. . .

یکشنبه ۱۴۰۳/۶/۱۱ - ۱۰:۴۵
Background image

د کرنې وزارت مالي او اداري مرستیال د کندز د کرنې ریاست له رییس او کارکوونکو سره وکتل

د کرنې وزارت مالي او اداري مرستیال ملا اغاجان اخند «حاجي سالم» د کندز ولایت دکرنې له رییس مولوي امان الله حسن او د یاد ریاست له کارکوونکو سره په کتنه کې د عشر او زکات، د طبیعي سرچینو د. . .

یکشنبه ۱۴۰۳/۶/۱۱ - ۱۰:۲۸
Background image

کندز ته د کرنې وزارت د مالي او اداري مرستیال سفر

د کرنې، اوبولګولو او مالدارۍ وزارت مالي او اداري مرستیال ملا اغاجان اخند «حاجي سالم» کندز ولایت ته د خپل سفر په ترڅ کې د کندز له والي ملا نثار احمد نصرت او د دغه ولایت له سیمه ییزو. . .

بازگشت