د ننګرهار کانال شرکت؛ د ثمرخېلو قوریه د دې شرکت ٩٠ سلنه اړتیاوې پوره کوي
٤ لیندۍ ۱۴۰۲ه.ش
١٢جُمَادَى الأول ۱۴۴۵ ه.ق
د ننګرهار کانال شرکت چارواکي وایي، چې ددې شرکت اړوند د ثمرخېلو قوریه د کانال شرکت اړوند د څلور ګونو فارمونو نږدې ٩٠ سلنه اړتیاوې پوره کوي.
دغه قوریه د ثمرخېلو په سیمه کې په شاوخوا ۱۴ جریبه ځمکه کې جوړه او خپل فعالیتونه پرمخ وړي.
د ننګرهار کانال شرکت د کرنیزو چارو سلاکار انجنیر جمیل خوشحال، د دفتر امر قاري شکیل احمد ذاهب خېرخواه، د هډې فارم امر انجنیر سید اغا میاخېل او یوشمېر نورو چارواکو له دې قوریې څخه د لیدنې پرمهال ددې قوریې د کارکوونکو ستونزې واورېدل، او اړوندو چارواکو ته لازمې سپارښتنې وکړې.
یادو چارواکو د لیدنې پرمهال وویل: "د ثمرخېلو یاده قوریه به لا غني کړو، اړتیاوې به يې پوره شي، ځکه په دې قوریه کې اوس زرګونه نوعه نیالګي او قلمې موجودې دي."
د ننګرهار کانال شرکت چارواکي وایي، چې د ثمرخېلو ددې سترې قوريې په شان په درېيم او دوهم فارمونو کې هم سترې قوريې شتون لري، چې په کې زرګونه ډوله بوټې او قلمې شتون لري.
