د ننګرهار کانال ریاست: ۱۲۳ جریبه ځمکه د څاڅکي اوبوخور په سیسټم سمبال شو

mail-admin
پنجشنبه ۱۴۰۱/۹/۱۷ - ۱۳:۳۱
د ننګرهار کانال ریاست: ۱۲۳ جریبه ځمکه د څاڅکي اوبوخور په سیسټم سمبال شو

۱۷  لېندۍ ۱۴۰۱ه‍.ش
۱۴ جمادي اﻷول ۱۴۴۴ ه‍.ق
د ننګرهار د کانال ریاست چارواکي وايي، چې ددې کانال اړوند په ۱۲۳ جریبه ځمکه کې د څاڅکي سیسټم اوبوخور سیسټم فعال او ګټې اخیستنې ته وسپارل شو.
په دې اړه جوړه شوې غونډه کې د ننګرهار دکانال رییس مولوی غلام الرحمن کظیم او یوشمېر نورو چارواکو ګډون درلود.
په دې غونډه کې د ننګرهار دکانال رییس مولوی غلام الرحمن کظیم وویل: «د کرنې د میکانیزه کولو کومې ژمنې مو چې د خپل ولس او هېوادوالو سره کړې دي، یو په بل پسې د عملي کېدو په درشل کې دي. ښه بېلګه يې دا ۱۲۳ جریبه ځمکه د اوبوخور د څاڅکو سیستم عملي کول دي.»
ښاغلی کظیم وویل: «دلته په هډې فارم کې اوسمهال په ۴۲۶ جریبه ځمکې د اوبه خور د څاڅکو سیستم چې د افغانستان په کچه به په دومره لویه پیمانه لومړی ځل وي عملي کېږي ، ورسره سم به په نږدې راتلونکې کې د ټول کانال ځمکې په همدې سیستم وپوښل شي.»
د څا څکو يا ډراپ په لارې اوبه لگول د زیاتو اوبو د ضایع کېدو مخنیوي کوي، په دې طریقې سره په کم وخت کې زيات شمېر نباتات اوبه کېداي شي، په ځانګړي توګه د هغو ونو او نباتاتو د پاره چې په کتار کرل کېږي مناسبه طريقه ده. 
د څاڅکې په طريقه اوبه لگول په خاورې کې د اوبو او هوا تر منځ د مناسب انډول د ساتلو له لارې د کرنيزو نباتاتو د ودې په زياتولو، د حاصل په لوړولو او د کيفيت په ښه کولو کې د پام وړ ونډه لري. 
همدارنګه  د څاڅکو  په طريقه اوبه لگول د نبات د پاڼو، تنې او مېوو سره د اوبو تماس کموي(پاڼې، تنې او ميوې نه لندېږي) او په نتيجه کې په ناروغيو باندې د نبات د اخته کېدو چانس کمېږي.
دغه راز کرنيز کيمياوي مواد لکه کيمياوي سرې، آ فت وژونکي ا و نورکيمياوي مواد د څاڅکې په طريقه د اوبو لگولو د لارې په ډېره اغېزمنه توگه استعمالېداى شي.
د یادو ګټو ترڅنګ د هرزه بوټو د ستونزې کمښت او د کرنیزو فعالیتونو مناسب ترسره کول ددې سیسټم نورې ګټې دي.

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت