د ننګرهار کانال ریاست: د لوی نهر د تخریب شویو سیمو د بیارغونې چارې بشپړ شول

۲۶ مرغومې ۱۴۰۱ه‍.ش
۲۳ جُمادیَ الثّاني ۱۴۴۴ ه‍.ق
د ننګرهار دکانال ریاست چارواکي وايي، چې د ملګرو ملتونو پراختیا ادارې «UNDP» په مالي اود «Islamic Relief » مؤسسې په تخنیې همکارۍ د یاد رایست اړوند د لوی نهر د تخریب شویو سیمو د بیارغونې چارې بشپړ او ګټې اخیستنې ته وسپارل شول.
د ننګرهار کانال ریاست چارواکي وایي، چې د ننګرهار والي مولوی ملا محمد نعیم اخند په پاملرنې او د ننګرهار کانال رییس مولوی غلام ارحمن کظیم په هڅو د ننګرهار کانال د لوی نهر هغه سیمې چې د تېرو سېلابونو له وجې تخریب شوي دي، د محافظتي دېوال رغول او سنکارۍ چارې بشپړ شوي دي. 
د چارواکو په خبره په دې پروژه کې، ۸۰۰ متر مربع پاک کارۍ، د ۲۶۶ مترو په اوږدوالی د استنادي دېوال رغول، ۹۶۰ متره فرش، ۶۱ متره آر.سي.سي، ۱۱۸۸ متر مربع انګاف، ۴۰۰ مترمربع پي.سي.سي، ۱۶۹۸ مترمکعب ډکون، ۵۴۰۰ مترمکعب کمپیکشن شامل و، چې ټولیز لګښت یې پنځه نیم میلیونه افغانیو ته رسېږي.
په دې پروژو پنځه نیم میلیونه افغانۍ لګښت راځي او شاخوا شل ورځې وروسته به ګټې اخستنې ته وسپارل شي. 
د اسلامیک ریلیف موسیسې د ابادۍ پروګرام یو تن مسوول هجرت الله امیري په وینا د ذکر شویو سیمو د ترمیم او رغولو سره به سلګونه جریبه ځمکه خړوبه اوکورونه به د سېلابونو له ګواښه په امن شي.
د امیري په وینا ددی پروګرام له لارې شاوخوا۳۹۰ تنو ته د کار زمینه برابره شوې وه او نږدې ۲۵ زره هېوادوال به ترې برخمن شي.