د فراه دکرنې رییس د خوړو او کرنې ادارې او د ټیکا ادارې له استازو سره وکتل
۲۰ کب ۱۴۰۴ه.ش
۲۲ رَمَضانُ المُبارَک ۱۴۴۷ه.ق
د فراه دکرنې، اوبولګولو او مالدارۍ رییس مولوي پیرمحمد حلیمي د ملګرو ملتونو دخوړو او کرنې ادارې «افاېاو» او د ترکیې د همکارۍ او همغږۍ ادارې «ټیکا» له استازو سره په کتنه کې د کرنې او مالدارۍ په برخه پر شته ستونزو او ننګونو خبرې اترې وکړې.
ددې لیدنې په ترڅ کې د فراه دکرنې رییس مولوي پیر محمد حلیمي په دې ولایت کې د کرنې، بڼوالۍ او مالدارۍ په برخه کې شتنه فرصتونه، ستونزې او ننګونې له یاد پلاوي سره شریکې کړې.
دغه راز د فراه دکرنې رییس وویل، چې پروژې دې د خلکو لومړیتوبونو ته پکتو پلي شي او دغه راز پروژې دې باید د کرنې ریاست په همغږۍ پلي او د پروژو په پلي کولو کې دې کیفیت ته جدي پاملرنه ووشي.
په همدې حال کې د ملګرو ملتونو دخوړو او کرنې ادارې «افاېاو» او د ترکیې د همکارۍ او همغږۍ ادارې «ټیکا» استازو وویل، چې هوډ لري په دې ولایت کې د اوبو مدیریت او وچکالۍ اغېزو کمولو او دغه راز د زیتونو او عنابو بڼونو جوړولو په برخه کې یوشمېر پروژې پلي کړي.
د ناستې په دوام د فراه دکرنې رییس له دوی سره د هر اړخیزو همکاریو ژمنه وکړه.
