د خوست دکرنې رییس د شیخ زاید پوهنتون چارواکو سره وکتل
۴ غویی ۱۴۰۳ه.ش
۱۴ شَوّال المُکَرَّم ۱۴۴۵ه.ق
د خوست دکرنې، اوبولګولو او مالدارۍ رییس مولوی محمد زمان عمري د شیخ زاید پوهنتون په استازیتوب د استاد زرولي صدیقي په مشرۍ، چې استاد رحمت ګل منګل او استاد خالد شاکر یې ملتیا کوله د همغږۍ ناسته وکړه.
ددې ناستې په ترڅ کې د پوهنتون او اړوندو ریاستونو ترمنځ د اړيکو، معلوماتو شریکولو، ګډو برخو کې کار او همغږۍ لپاره د هوکړه لیک لاسلیکولو په موخه خبرې اترې وشوې.
په یاده ناسته کې د خوست دکرنې، اوبولګولو او مالدارۍ رییس یادو چارواکو ته د هر ډول همکارۍ ډاډ څرګند او په ټولو برخو کې پر ګډې همکارۍ ټینګار وکړ.
