د بولان څېړنیز فارم کي د غنمو، سبو او مېوو پر بېلابېلو ډولونو څېړنې روانې دي

د هلمند د کرنې، اوبو لګولو او مالدارۍ ریاست د کرنیزو چارو امریت اړوند د کرنیزو څېړنو مدیریت مسلکي کارکوونکو لخوا د بولان څېړنیز فارم کي د مورنيو او هستوي تخمونو او تجاربو سیټونو تطبیق باندې څېړنې روانې دي.
په یادو څېړنو کي چي ملي او نړۍوالې تجربې شاملې دي د غنمو د اصلاح، اګرانومۍ او نباتي ناروغیو سیټونه شامل دي، چې د پلان له مخې به هستوي او مورني تخمونه ورڅخه په لاس راوړل شي.
د یادو څېړنیزو قطعاتو او هستوي مورني تخمونو د کرني او روزنې ټول مراحل د فني او مسلکي کارمندانو لخوا ترسره کېږي.
ددې ترڅنګ په نوموړي فارم کې دمېوه لرونکو ونو د بڼونو او سبو روزنه هم د پلان مطابق دوام لري.
د هلمند دکرنې ریاست په پام کي لري، چي هلمند کې د بېلابېلو نباتاتو، حبوباتو، سبو او مېوو د تخمونو د اصلاح، ترویج او تکثیر په برخه کي د خپلو مسلکي کارکوونکو په مټ کار وکړي ترڅو له مخې یې د ځمکوالو حاصلات لوړ او د قناعت وړ عاید ترلاسه کړي.