د بلخ په ولایت کې د پیازو ۳۰۰ زېرمتونونه ګټې اخیستنې ته وسپارل شول

mail-admin
چهارشنبه ۱۳۹۹/۱۰/۳ - ۱۴:۵۵
آغاز بهره‌برداری از ۳۰۰ ذخیره‌گاه پیاز در ولایت بلخ ۳ جدی ۱۳۹۹ داکتر انوارالحق احدی، ‌وزیر زراعت، آبیاری و مالداری در ادامه‌ی سفرش به ولایت بلخ، ۳۰۰ ذخیره‌گاه پیاز ساخته شده توسط پروژه‌ی مدیریت محصولات زراعتی را با افتتاح چند ذخیره‌گاه پیاز در ولسوالی دهدادی به بهره‌برداری سپرد. این ذخیره‌گاه‌های پیاز در ۱۱ ولسوالی ولایت بلخ، با هزینه‌ی مجموعی ۱۴۷ میلیون و ۷۰۱ هزار و ۴۰۰ افغانی ساخته شده است. معاون والی، رییس شورای ولایتی و شماری دیگر از مسوولان محلی ولایت بلخ و دهقانان، در این مراسم آقای احدی را همراهی می‌

۳مرغومې ۱۳۹۹
دکرنې، اوبولګولو او مالدارۍ وزیر ډاکټر انوارالحق احدي، بلخ ولایت ته دخپل سفر په ترڅ کې د کرنیزو محصولاتو پروژې له خوا جوړ شوي د پیازو ۳۰۰ زېرمتونونه د هدادي په ولسوالۍ کې د پیازو د څو زېرمتونونو په پرانستې سره ګټې اخیستنې ته وسپاره.
د پیازو یاد زېرمتونونه د بلخ ولایت په ۱۱ ولسوالیوکې، د ۱۴۷ میلیونه او ۷۰۱ زره او ۴۰۰ افغانیو په لګښت جوړ شوي دي.
د بلخ مرستیال والي، د ولایتي شورا رییس او د بلخ ولایت یوشمېر نورو سیمه ییزو چارواکو او بزګرانو په دې غونډه کې د ښاغلي احدي ملتیا کوله.
په دې غونډه کې د بلخ مالي او اداري مرستیال غلام فاروق خپلواک، د بڼوالۍ او کب روزنې په برخه کې پر پانګونه او د اوبولګولو د پروژو پر پلي کېدو ټینګار وکړ او د بلخ په ولایت کې د کرنیزو محصولاتو مدیریت د پروژې د دوام غوښتونکی شو.
د بلخ د ولایتي شورا مشر، محمدافضل حدید هم په دې ولایت کې د کرنیزو پروژو له پلي کېدو څخه دملاتړ د اعلان ترڅنګ، د بلخ ولایت بزګرانو لپاره داصلاح شویو تخمونو او کیمیاوي سرو د ډېرېدو غوښتونکی شوه او وویل، چې په دې ولایت کې ډېر بزګران فعالیت لري او باید په دې ولایت کې کرنه میکانیزه شي او د پور ورکونې کچه زیاته شي. هغه دغه رازغوښتنه وکړه، چې راتلونکی کال مالدارۍ ته باید ډېره پاملرنه ووشي او ترڅنګ د آمو سیند له اوبو څخه د بلخ د کرنې په موخه ګټه پورته شي.
په همدې حال کې د کرنې وزیر انوارالحق احدي وویل، چې د کرنې وزارت نه یوازې د بلخ په ولایت کې بلکه، د هېواد په کچه سږکال د ۶.۸ میلیارډه افغانیو په لګښت، د کرنیزو محصولاتو مدیریت پروژه پیل کړه، چې په کې زرګونه ودانۍ(ممیزخونې، د پیازو او کچالو زېرمتونونه، د مڼو او انارو صفردرجې سړې خونې او د مېوو او سبو وچوونکي ماشینونه» په کې شامل دي.
د کرنې وزیر وویل، چې په بلخ کې سږکال د کرنیزو محصولاتو مدیریت اړوند ۶۰۳ پروژې پلي شوي دي.
باید وویل شي، چې د بلخ ولایت لپاره د کرنې وزارت سږني ټولیزه بودیجه ۶۸۳ میلیونه افغانۍ ده. ښاغلی احدي وویل، ددې ترڅنګ چې په راتلونکی کال کې د بلخ په ولایت کې د کرنیزو محصولاتو مدیریت پروژه غځیږي، د اوبولګولو، مالدارۍ برخو او د لبنیاتو سکټور کې ځان بسیاینه او پر بڼوالۍ د پراختیا په پار د بېلابېلو پروژو له لارې پاملرنه کیږي، ترڅو د پانګونې کچه زیاته او د کړنو اغېزمنتوب زیات شي.

 

تازه ترین اخبار

دوشنبه ۱۴۰۴/۴/۲ - ۱۱:۱۱
Background image

د محمدآغې ولسوالی له بزګرانو او قومي مشرانو سره د عشر ټولولو اړوند د همغږۍ ناسته ترسره شوه

۲ چنګاښ ۱۴۰۴ ه‍.ش
۲۶ ذُو الحِجَّةِ ۱۴۴۶ه‍.ق
د لوګر ولايت د عشر او زکات ټولولو آمریت کارکوونکو چې مشري یي د عشر او زکات ټولولو آمر مولوي سلطان غني هاشمي کوله په داسې حال کې، چې ددغې. . .

دوشنبه ۱۴۰۴/۴/۲ - ۱۱:۹
Background image

د ننګرهار دوو ولسولیو کې د کرنیزو توکو پېرلو په پار لسګونو بزګرانو سره نغدې مرسته وشوه

۲ چنګاښ ۱۴۰۴ ه‍.ش
۲۶ ذُو الحِجَّةِ ۱۴۴۶ه‍.ق
د ننګرهار د کرنې، اوبو لګولو او مالدارۍ ریاست سره په همغږۍ د ماشومانو ساتنې دفتر له لورې د مومندرې او لعلپورې ولسوالیو ۱۰۰  تنو بزګرانو سره. . .

دوشنبه ۱۴۰۴/۴/۲ - ۱۰:۵۳
Background image

د هلمند مرکز لښکرګاه کې د کانګو تبې پر وړاندې د مبارزې وقایوي کمپاین پیل شو

۲ چنګاښ ۱۴۰۴ ه‍.ش
۲۶ ذُو الحِجَّةِ ۱۴۴۶ه‍.ق
د هلمند د کرنې، اوبو لګولو او مالدارۍ ریاست اړوند د مالدارۍ او حیواني روغتیا آمریت له لوري، ددې ولایت مرکز لښکرګاه کې د کانګو تبې خطرناکې. . .

بازگشت