د بلخ ولایت په شولګره او دهدادي ولسوالیو کې له ننداریزو کروندو څخه لیدنه وشوه

۲۰ وږی ۱۴۰۴ هـ.ش
۱۸ رَبِیعُ الْأَوَّل ۱۴۴۷ هـ.ق
د کرنې، اوبولګولو او مالدارۍ وزارت د غلو دانو او صنعتي بوټو رییس مولوي مصباح‌الدین مستعین او ورسره مل پلاوي، د موسسو سره د کرنیزو تخمونو د همغږۍ عمومي مدیر سردار محمد قانون مل او د بلخ ولایت د کرنې ریاست د ترویج عمومي مدیر محمد حسین خان په ملتیا، د شولګرې او دهدادي ولسوالیو اړوند د بزګرانو له بېلابېلو ننداریزو کروندو څخه لیدنه وکړه.
یادې ننداریزې کروندې د جوارو، شولو، مۍ، پنبې او سویا بینو په ګډون، صنعتي او تېلې بوټي دي، چې په یوه ـ یوه جریب ځمکه کې د کتار په بڼه کرل شوې وې.
د مسلکي ارزونو له مخې، د دغو ننداریزو کروندو نباتي وده د دودیزې کرنې په پرتله غوره بلل شوې ده او تمه ده چې حاصلات یې هم زیات شي.