د اندخوی، زمینداور، خوشتيپې او موسی کلا د اوبولګولو کانالونو د کاري پرمختګ او همغږۍ اړوند غونډه وشوه
۲ لړم ۱۳۹۸
د کرنې، اوبولګولو او مالدارۍ وزارت د اوبولګولو او طبیعي سرچینو مرستیال ښاغلي حشمت الله غفوري په مشرۍ د خوشتيپې، اندخوی، زمینداور او موسی کلا د کانالونو د کاري پرمختګ او همغږۍ اړوند غونډه ترسره شوه.
په دې غونډې کې لومړی د اندخوی کانال د امکان سنجۍ مطالعې اړوند خبرې وشوې. د دې پروژې پلان سره سم پرمختګ روان دی، تمه ده چې بشپړ ډیزاین يې ډېر ژر بشپړ شي. سربېره پر دې تخنیکي کارکونکي به د توپوګرافیک سروې، د خاورې نمونې، جیو تخنیکي او د ټولنیز چاپیریال اغیز ارزونې په اړه خپل نظر شریک کړي. ددې ترڅنګ به په سیمه کې د انځورونو او روسي نقشو له لارې ترلاسه شوي توپوګرافیک لوړوالی وګوري. تخنيکي کارکونکي د جیو - تخنیکي او خاورې سروې سرته رسولو لپاره ۴۵ ورځو ته اړتیا لري او د نمونې دورې پرمهال به د ټولنیز چاپیریال اغیز ارزونې مطالعه به هم کوي.
د خوشتيپې کانال له درېو ولایتونو (کندز، بلخ او جوزجان) څخه تیريږي چې ۵۰۰ زره هکتاره ځمکه خړوبوي. د امکان سنجۍ مطالعاتو د پرمختګ په هکله یې خبرې اترې وشوې او دا مطالعات به په راتلونکو څو میاشتو کې بشپړ شي.
دغه راز په دې غونډې کې د زمینداور کانال او موسی کلا بند اړوند هم خبرې وشوې. موسى کلا او زمينداور دوه پروژې دي، چې د کاري ساحې ، کاري پلان او د راپور ورکولو له اړخه جلا پروژې دي. په دې غونډه کې تخنیکي کارکونکو د موسی کلا لپاره د وړاندیز شوې جوړښت ډیزاین په اړه پریزنټیشن وړاندې کړ. تمه ده چې تخنیکي کارکونکي به د آبخور، د مسیر انحراف او د اوبو زېرمه کولو ډیزاین په اړه خپل پلانونه شریک کړي او د پروژې د ډیزاین او وړاندیز / پلي کولو لپاره د مرحلې پلان هم شریک کړي.
دا څلور پروژې د هېواد په کچه ډیرې اړینې او حیاتي پروژې دي، چې له بشپړېدو وروسته به دوه میلیونه او ۸۴۰ زره جریبه نوې ځمکه تر کرکېلي لاندې راشي.
