دکرنې وزیر: د مالدارۍ د سکټور ارزښت اووه میلیارډه ډالرو ته رسیږي
۱۳ وږی ۱۳۹۸
د کرنې، اوبولګولو او مالدارۍ وزیر نصیراحمد درانی وایي، چې د افغانستان د مالدارۍ سکټور ارزښت اووه میلیارډه ډالرو ته سیږي.
ښاغلی دارنی، چې د مالدارۍ د روغتیایي چوپړونو په تخنیکي بورډ کې خبرې کول وویل، چې د مالدارۍ د سکټور وده د هېواد په اقتصادي ځان بساینې او د خوړو د خوندیتوب په برخه کې مهم رول لري.
دکرنې وزیر وویل، چې افغانستان د چرګانو د غوښو د تولید په برخه کې ځان بساینې ته نږدې شوې او د هېواد د چرګانو د غوښو د اړتیا وړ کابو ۸۰ تر ۸۵ سلنه په کور دننه تولیدیږي. هغه وویل، چې له پاکستان او ایران څخه د زړو چرګانو واردات منع شوي دي.
نصر احمد درانی همداراز د وچکالیو له امله د څارویو د تلفاتو د مخنیوی، د حیواني محصولاتو زیاتوالی او له حیواناتو څخه د نسل اخیستلو په پار د یوې طرحې او اسټراټیژۍ د چمتو کولو خبر هم ورکړ.
