دکرنې وزير دکاپيسا والي سره په غونډه کې دکرنې او مالدارۍ دپروژو پر پلي کېدو خبرې وکړې

۲۲ مرغومې ۱۳۹۹
دکرنې، اوبولګولو او مالدارۍ وزير ډاکټرانوارالحق احدي دخپل کار په دفترکې دکاپيسا والي عبداللطيف مراد سره وکتل او په دې ولايت کې دکرنې او مالدارۍ دبېلابېلو پروژو پر پلي کېدو خبرې اترې وکړې.
په دې ليدنه کې دکاپيسا والي وويل، چې په یاد ولايت کې دکرنې او اوبولګولو په برخه کې پروژې پلي شوې او ددې ترڅنګ دکرنيزو محصولاتو مديريت په اډانه کې هم ۱۶۹پروژې پلي شوي دي، چې ډېر اغېزناکې دي.
ښاغلی مراد دکرنې له وزير څخه په دې ولايت کې د کرنې، بڼوالۍ، ځنګلونوساتنې، اوبولګولو او  دمالدارۍ په برخه کې ددې ولايت داړتياوړ نوروو پروژو دزياتېدو او عملي کېدو غوښتنه وکړه.
دغونډې په پای کې ډاکټر انوارالحق احدي وويل، چې دښو چوپړتياوو وړاندې کولو په پار موږ هلې ځلې کوو چې، دکاپيسا ولايت په ګډون  د ۱۴۰۰ام مالي کال په پلان کې د شاملو برنامو ترڅنګ  يوشمېر نورې پروژې هم پلي کړو.