دهلمند دکرنې په ریاست کې همکارو مؤسسو سره د همغږۍ غونډه دائره شوه
٢۴ تله ۱۴۰۲ه.ش
۱ ربیعالثاني ۱۴۴۵ ه.ق
د هلمند ولایت د کرنې، اوبو لګولو او مالدارۍ په ریاست کې د کرنې د برخې له همکارو مؤسساتو سره د همغږۍ غونډه دائره شوه.
په دغه غونډه کې د هلمند د کرنې ریاست د کرنیزو چارو امر مولوي محمد شریف احسان، د مالداری او حیواني روغتیا آمر مولوي محمد عمر، دکرنې متخصص ماسټر جان آغا بشیري، د ترویج عمومي مدیریت استازي او د کرنې د برخې همکارو مؤسسو چارواکو برخه اخیستې وه.
دغه مؤسسې د هلمند ولایت په ١٣ ولسوالیو کې دغنمو اصلاح شویو تخمونو د وېش لپاره سروې او د اصلاح شویو تخمونو دوېش په برخه کې کار او فعالیت کوی .
د ناستې په لړ کې د یادو مؤسسو د مسؤلینو لخوا د خپلو کړنو په اړه معلومات د غونډې ګډونوالو سره شریک شول.
د هلمند ولایت دکرنې ریاست مسؤلینو دکار د لا شفافیت لپاره خپل نظریات دیادو مؤسسو د مسؤلینو سره شریک کړل، چې د مؤسسو چارواکو ورته دپوره همکارئ ډاډ ورکړ.
د یادونې وړ ده، چې یاد مؤسسات به سږ کال ددې ولایت په ١٣ ولسوالیو کې ١٥٦٦.٧ متریک ټنه دغنمو اصلاح شوی تخم ، ٥٠٧.١٥ ټنه یوریا او ١٧٥٦.٩ ټنه تور کیمیاوي سرې مستحقو بزګرو ته ووېشي.
