دهلمند بولان څېړنیز فارم کې پر بېلا بېلو نباتاتو څېړنې پیل شوې
۱ لیندۍ ۱۴۰۴ هـ.ش
۱ جُمَادَى الثاني ۱۴۴۷ هـ.ق
دهلمند ولایت د کرنې، اوبولګولو او مالدارۍ ریاست دکرنیزو چارو آمریت اړوند د څېړنیز فارم مدیریت په همکارۍ د بولان په څېړنیز فارم کې د غنمو، صنعتي نباتاتو او مېوو په برخه کې د څېړنو او آزمایښتي کښتونو لړۍ په پراخ ډول پيل شوې ده.
دغه علمي تجربې د دې لپاره ترسره کېږي، چې د سیمهییز اقلیم او خاورو سره برابر لوړحاصل لرونکي نباتات وپېژندل شي او د راتلونکو کرنیزو پروګرامونو لپاره علمي لارښوونې برابرې شي.
په یادو څېړنو کې د نباتاتو اصلاح په برخه کې بېلابېلې څېړنیزې کروندې جوړې شوې دي، چې موخه یې د نړۍوالو ورایتیو ارزونه، د ناروغیو پر وړاندې د مقاومت مطالعه، د چاپېریال سره د ورایتیو د تطابق کچه معلومول، او د پرمختللو ورایتیو حاصل او مقاومت ارزول دي.
دغه ټولې تجربې د کرنیزو پایلو د ښه والي په موخه د ځانګړو سیتونو په بڼه عملي کېږي.
