دننګرهار په استرداد شویو ښارګوټو کې د تعرفو د وېش لړۍ پیل شوه
د ننګرهار د کرنې، اوبو لګولو او مالدارۍ ریاست د معلوماتو په اساس په ننګرهار کې د درې ښارګوټو د استرداد وروسته د کورونو او سوداګریزو سیمو مالکانو ته د تعرفو د وېش لړۍ پیل کړه او تراوسه پورې ۴۰۰ تعرفي وېشل شوي دي.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل، چې د غصب مخنیوي او استرداد کمېسون په ننګرهار کې د دولتزیو، شمشاد مېني او سیاسنګ ښارګوټي امارتي تثبیت کړي وو، چې د کورونو ثبت پروسه پای ته رسېدلې ده او اوسمهال د تعرفو د وېش چارې روانې دي.
ښاغلي محسن وویل، چې په سیاسنګ کې ۴۰۰ تعرفي د کرنې وزارت د اجارې ورکونې ریاست د اصولو له مخې مالکانو ته ورکړل شوي او په نورو ښارګوټو کې به هم دا پروسه په نږدې ورځو کې پیل شي.
د تعرفو دوېش موخه د امارتي ملکیتونو تثبیت، ساتنه او د عوایدو راټولول دي.
