بادغیس ولایت ته د کرنې وزارت د کرنې او مالدارۍ مرستیال سفر 

دکرنې، اوبولګولو او مالدارۍ وزارت دکرنې او مالدارۍ مرستیال مولوی صدراعظم عثماني بادغیس ولایت ته د رسمي سفر په ترڅ کې ددې ولايت دکرنې ریاست له کارکوونکو سره وکتل.
دکرنې، اوبولګولو او مالدارۍ وزارت د کرنې او مالدارۍ مرستیال مولوی صدراعظم عثماني د بادغیس ولایت دکرنې، اوبولګولو او مالدارۍ ریاست د کارکوونکو نظرونه، وړانديزونه او د کړنو راپور واورېدل او د دوی د کړنو او فعالیتونو قدرداني وکړه او ويې ویل:«کرنه او مالدارۍ د هېواد د اقتصاد ستره برخه جوړوي، او موږ  د توان ترکچې د کرنې او مالدارۍ د ودې او پراختیا په برخه کې باید هلې ځلې وکړو، ځکه زموږ د خلکو اقتصاد په کرنه او مالدارۍ ولاړه ده او موږ باید دوی ته اسانتیاوې رامنځته کړو».
د بادغیس ولایت دکرنې، اوبولګولو او مالدارې ریاست سرپرست او د کرنیزو چارو آمر مولوی محی الدین بشري بادغیس ولایت ته دکرنې او مالدارۍ مرستیال او ورسره مل پلاوی د سفر هرکلۍ وکړ او ددې ادارې د کړنو او فعالیتونو راپور یې دکرنې وزارت مرستیال ته وړاندې کړل او د بادغیس ولایت دکرنې او مالدارۍ سکټور د پراختیار په پار دکرنې وزارت د رهبرۍ دپاملرنې غوښتونکي شول.
 ددې سفر په ترڅ کې د هرات ولایت دکرنې رييس پیر محمد، دکرنې او مالدارۍ مرستیال مولوي ګل حضرت او دکرنې د پراختیا صندوق رییس مولوی عبدالغفار غفاري د کرنې او مالدارۍ مرستیال ملتیا کوي.