اینجه د کوکنارو ښه بدیل؛ ننګرهار کې پر لسګونه جریبه ځمکه اینجه کرل شوې

د ننګرهار د کرنې،اوبولګولو او مالدارۍ ریاست د معلوماتو په اساس د ننګرهار په سره رود، بهسود، ګوشته، حصارک، کوټ او هسکي مېني ولسوالیو کې پر ۴۷.۲ جریبه ځمکه اینجه «هنګ» کرل شوي.
اینجه د کوکنارو یو ښه بدیل نبات دی، چې د کوکنارو په پرتله یې عاید څو چنده زیاته ده.
د اینجي یو جریب ۱۸۰ کیلو حاصل ورکوي، چې فې کیلو یې تر ۱۵ زره افغانیو ارزښت لري.
د ننګرهار ولایت اقلیمي شرایط د اینجې د کرلو لپاره مناسبه ده، دننګرهار د کرنې،اوبولګولو او مالدارۍ ریاست هڅه کوي په هغو ولسوالیو کې چې اینجه ښه نتیجه ورکوي ترویج کړي.
دا په داسې حال کې ده، چې د افغانستان اسلامي امارت د خورا اغېزمن اقدام په ترڅ کې په هېواد کې د کوکنارو او نشه یې توکو کښت صفر کچې ته راټیټ شوی، په همدې موخه د کرنې، اوبولګولو او مالدارۍ وزارت د کوکنارو او نورو نشه یي توکو د بدیل کښت د ترویج په پار هلې ځلې کوي، چې په ترڅ کې یې ډېر شمېر پروګرامونه پلي او له نړۍوالو مرستندویو ټولنو او مؤسسو څخه یې غوښتي، چې له بزګرانو سره د بدیل کښت په برخه کې مرسته وکړي.