د ننګرهارکانال ریاست: د کانال د شنو خونو حاصلات رسېدلي

د ننګرهار کانال ریاست چارواکي وایي، چې ددې کانال اړوند د شنوخونو حاصلات رسېدلي دي.
د کانال چارواکي وویل: «له ډېره ښه مرغه د ننګرهارکانال ریاست هډې فارم په دویم بلاک کې سل بابه شنې خوني جوړې کړي، او د شنو خونو حاصلات يې رسېدلي هم دي.»
په دغو شنو خونو کې چې کانال ریاست جوړې کړي په کې مارو، ټینډۍ، بادرنګ، رومي بانجان او نور سابه کرل شوي، چې په نږدې وروځو کې به بازار ته وړاندې شي، په دې شنو خونو کې اوسمهال ۷۰ تنه په کار بوخت دي .
د کانال ریاست چارواکي وویل: «ډېرې د خوښۍ ځای دی، چې د ننګرهارکانال په ځمکه کروندګرو شنو خونو جوړولو ته مخه کړې، چې له برکته به یې زموږ درانه بزګر په ځان بسیا، دعوایدو کچه به يې لوړه او په نږدې راتلونکې کې به درانه ننګرهاریان د پردیو سبزیو له اختیاجه خلاص شي» .