کندهار کې کرنیزو پورونو ته د ښځو د لاس رسي په تړاو د همغږۍ غونډه
د کندهار د کرنې ریاست له لوري د کرنې په برخه کې ښځینه متشبثینو ته د پورنو د ورکړې په تړاو د دولتي ادارو او بانکونو له چارواکو سره د همغږۍ ګډه غونډه وشوه.
په دې غونډه کې، چې د کندهار د کرنې، اوبولګولو او مالدارۍ چارواکو، د یوشمېر خصوصي بانکونو او ادارو چارواکو، یوشمېر ښځینه متشبثینو او اړوندو چارواکو برخه اخیستې وو.
د کندهار د کرنې ریاست وویل: «دکرنې او مالدارۍ په برخه کې د اسلامي اصولو له مخې د پورونو ورکړه په دې برخه کې لا اسانتیاوې رامنځته کولای شي.»
په دې غونډه کې د کندهار د کرنې ریاست له خوا د کرنې ادارې له لوري مېرمنو ته په تېر کال کې د ترسره شويو فعالیتونو او راتلونکو پلانونو په تړاو هم معلومات وړاندې کړل.
ددې غونډې په ترڅ کې د بانکونو مسولینو د پریزټیشن په بڼه د پورونو د ورکړې په تړاو هر اړخیز معلومات له ګډونوالو سره شریک کړل.
