د بلخ د شاتو سږني تولید ۱۵ ټنو ته ورسېد

content_admin
دوشنبه ۱۳۹۹/۹/۲۴ - ۱۵:۱۰
د بلخ د شاتو سږني تولید ۱۵ ټنو ته ورسېد

۲۴ لیندۍ ۱۳۹۹
د بلخ د کرنې، اوبولګولو او مالدارۍ ریاست چارواکي وایي، چې ددې ولایت د شاتو د سږني تولید کچه ۱۵ مټریک ټنو ته رسېدلې ده.
د بلخ د کرنیزو چارو آمر ذبیح الله زوبین وایي: «له نېکه مرغه د بلخ دشاتو سږني تولید ۱۵ ټنو ته رسېدلې ده، دا په داسې حال کې ده، چې دتېرکال کچه ۱۲ ټنه وه. دا شمېره د تېرکال په پرتله لس سلنه زیاتوالی ښیي.»
ښاغلی زوبین وویل، چې د بلخ د شاتومچیو د روزونکو شمېر ۴۵۶ تنو ته رسیږي او د شاتو مچیو روزنې په برخه کې په درېیو ټولینو کې فعالیت لري. د هغه په خبره، د بلخ ولایت د شاتومچیو د صندوقونو شمېر ۱۸۹۷ ته رسیږي.
د چهارکنت، شولګرې، دولت آباد، نهرشاهي، شورتپه، خلم، بلخ، دهدادي او چمتال ولسوالۍ د بلخ ولایت د شاتو اصلي تولیدوونکي سیمې دي.
ښاغلی زوبین زیاته کړه: «د شاتو بیې په هغو ګلونو تړې ده، چې د شاتو مچۍ ترې تغذیه کوي. د بېلګې په توګه د چهارکنت ولسوالۍ د سمسول ګل تولید شوي شات کیلو په زر افغانۍ، د پنبې دګل تولید شوي شات کیلو په ۷۰۰ افغانۍ او د دهدادي ولسوالۍ د شوتلو ګل تولید شوي شات کیلو په ۵۰۰ افغانۍ خرڅیږي.»
د بلخ شات تر ډېره د سیمې په بازارونو، د ښار مارکېټونو او کرنیزو نندارتونونو کې خرڅیږي. د شاتو یوتن روزونکی ذبیح الله وایي، چې د بلخ د کرنې ریاست د شاتو مچیو د وېش ترڅنګ دوی ته تخنیکي سلامشورې ورکوي، د نوي نسل د تولید، د آفتونو او ناروغیو د مخنیوي په موخه روزنیزې برنامې هم په لاره اچوي.

تازه ترین اخبار

دوشنبه ۱۴۰۴/۶/۳ - ۱۱:۵۷
Background image

د کرنې او مالدارۍ مرستیال په افغانستان کې د ترکیې د همکارۍ او همغږۍ ادارې له رییس سره وکتل

۳  وږی ۱۴۰۴ هـ.ش
۱ رَبِیعُ الْأَوَّل ۱۴۴۷ هـ.ق
د کرنې، اوبولګولو او مالدارۍ وزارت د کرنې او مالدارۍ مرستیال مولوي صدراعظم عثماني، په افغانستان کې د ترکیې د همکارۍ او همغږۍ ادارې «ټیکا». . .

دوشنبه ۱۴۰۴/۶/۳ - ۱۱:۳۳
Background image

دهلمند موسا کلا کې د اوبو یو کوچنی بند جوړ او ګټې اخیستنې ته وسپارل شو

۳  وږی ۱۴۰۴ هـ.ش
۱ رَبِیعُ الْأَوَّل ۱۴۴۷ هـ.ق
دهلمند ولایت د کرنې، اوبولګولو او مالدارۍ ریاست له خوا د موساکلا ولسوالی د ځايي خلکو په غوښتنه، د باراني او سیلابي اوبو د مهارولو په موخه. . .

یکشنبه ۱۴۰۴/۶/۲ - ۱۲:۵
Background image

د کرنې وزارت د رئیسانو د همغږۍ د سمینار دویمه ورځ پیل شو

۲  وږی ۱۴۰۴ هـ.ش
۳۰ صَفَر المُظَفَّر ۱۴۴۷ هـ.ق 
د کرنې، اوبولګولو او مالدارۍ وزارت د مرکزي او ولایتي رئیسانو د همغږۍ د سمینار دویمه ورځ د کرنې وزارت د کرنې او مالدارۍ مرستیال مولوي. . .

بازگشت