د میدان وردګو دکرنې رییس؛ د ایمیرداد کې د کرنیزو پروژو چارې په چټکۍ روانې دي
۲۰ غویی ۱۴۰۵ه.ش
۲۳ ذُو ٱلْقَعْدَةِ ۱۴۴۷ه.ق
دمیدان وردګو ولایت دایمیرداد ولسوالی په کچه د کرنې، اوبو لګولو او مالدارۍ ریاست تر چتر لاندې د«کلیوالي ودې او پراختیا پروګرام» تر عنوان لاندې د ډاکار مؤسسې له لوري د کرنې او مالدارۍ په برخه کې فعالیتونه روان دي، چې اوس مهال یې پنځه ودانیزې پروژې تر کار لاندې دي.
د چاراکو په خبره د دایمیردادولسوالی دکرنیزو چارو مدیریت له لوري د پنځو کلیو «احمدخېل، عادلبېک، للندر، پیره او قولزنګي» د کرنیزو پروژو له فزیکي چارو څخه نظارت ترسره شو.
په یادو پروژو کې د سربسته کانالونو جوړول، د ورخونو جوړول او د لښتیو رغول شامل دي، چې چارې یې دنقشې مطابق په چټکۍ او ښه کیفیت سره روانې وې دمسؤلینو له خوا دسیمو کار کونکو ته په سیمه کې لازمې لارښونې اوسپارښتنې ترسره شوې، چې لامو په کارونو کې ښه والی اوچټکتیا غواړو ترڅو دبزګرانو کښت دکوم ډول خنډ اوځنډ سره مخ نشي.
همدارنګه د یادو کلیو متدینو اوسېدونکو د دغو پروژو له عملي کېدو څخه خوښي څرګنده وله دیادې ولسوالی متدینو دکرنې ریاست او ډاکار مؤسسې له کارکونکو څخه مننه وکړه، چې دیادو پروژو تکمیل کېدل به داوبو په زیاتوالي کې مثبت تغیر رامنځته کړي او کرنه به مولا ورسره پیاوړی شي او په راتلونکي کې یې د ورته نورو پراختیایي پروژو غوښتنه هم وکړه.
د دایمیرداد ولسوالی د کرنیزو چارو مدیریت د ولسوالی له مقام څخه هم د همکارۍ له امله مننه څرګندوي، او د کرنیزو چارو مدیریت کارکوونکو ته یې د یادو پروژو د نظارت په برخه کې د هر اړخیزې همکارۍ قدرداني کوي.
