د کرنې وزیر د پنجشیر له والي سره د پنجشیر د کرنې پر پراختیا خبرې وکړې

content_admin
شنبه ۱۳۹۸/۱۰/۲۸ - ۱۵:۱۵
د کرنې وزیر د پنجشیر له والي سره د پنجشیر د کرنې پر پراختیا خبرې وکړې

۲۹ مرغومي ۱۳۹۸

د کرنې، اوبولګولو او مالدارۍ وزیر نصیراحمد درانی د خپل کار په دفتر کې د پنجشیر والي کماالدین نظامي سره وکتل.

په دې لیدنه کې د پنجشیر والي وویل که چېرې په پنجشیر کې توت د ځنځیري ارزښت په توګه ملاتړ شي او دودیزه بڼه یې مدرن او پرمختللي بڼې ته واړول شي د بڼوالۍ په برخه کې د خلکو د عواید د زیاتوالي او ودې لامل کیږي. ښاغلي نظامي دغه راز یادونه وکړه، چې د پنجشیر اقلیم د انجې «هنګ» او نورو طبي بوټو کرکېلی ته مساعده ده که په دې برخه کې پراختیایي کارونه ووشي، د څړځایونو د ودې، د طبیعي سرچینو د خوندي تابه او دغه راز د خلکو د عواید د زیاتوالي لامل کیږي.

په همدې حال کې د کرنې، اوبولګولو او مالدارۍ وزیر نصیر احمد درانی په پنجشیر کې د کرنې او بڼوالۍ بېلابېلو برخو ودې او پراختیا ته په ټینګار سره وویل، چې د کرنې وزارت هلې ځلې کوي، ترڅو د توتو د تولیداتو ارزښت لوړ شي او په دې برخه کې به د کرنې وزارت د بڼوالۍ برخې کار وکړي.

ښاغلی دارنی دغه راز وویل، چې د طبي نباتاتو د کرکېلي او تولید زیاتولو او طبیعي سرچینو په برخه کې هلې ځلې کوي، چې مسلماً دا چارې د پنجشیر ولایت هم تر پوښښ لاندې نیسي، چې په دې ولایت کې د طبي نباتاتو د تولید د ودې او دغه راز په دې برخه کې ددې ولایت د فعالو اوسیدونکو د عوایدو د زیاتوالي لامل کیږي.

 
 

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت