د کرنې وزیر د روسیې د انرژۍ وزارت له مرستیال سره وکتل

۳۱ غبرګولی ۱۴۰۴ ه‍.ش
۲۴ ذُو الحِجَّةِ ۱۴۴۶ه‍.ق
د افغانستان د کرنې وزیر مولوي عطاءالله عمري،د یوه پلاوي په ملتيا د ۲۰۲۵ کال د روسیې د اقتصادي کنفرانس په څنډه کې د دغه هېواد د انرژۍ وزارت له مرستیال او یو شمېر مسئولینو سره وکتل او خبرې‌یې وکړې.
په دې لیدنه کې دواړو لوریو د اوبو بندونو د جوړولو، د تخنیکي انجنیرانو د استولو او د اوبولګولو د نویو ټکنالوژیو په برخه کې د تجربو د تبادلې په اړه بحث او نظرونه تبادله کړل. د کرنې وزیر، د اوبو بندونو په جوړولو کې د روسیې د بریالۍ تجربې په پام کې نیولو سره، له دغه هېواد څخه وغوښتل، چې په افغانستان کې د اوبو بندونو په جوړولو کې همکاري وکړي، په ځانګړي ډول د غزني ولایت د سردې بند پاتې پروژې د بشپړولو په برخه کې، د همکارۍ غوښتنه وکړه.
د روسیې د انرژۍ وزارت مرستیال هم د اړینو همکاریو ډاډ ورکړ او څرګنده یې کړه، چې د دغه هېواد تخنیکي ټیمونه به د پروژو د ارزونې او خبرو لپاره افغانستان ته واستول شي.
همداراز، دواړو لوریو هوکړه وکړه، چې تخنیکي ټیمونه دې د لا زیاتې همغږۍ، د تجربو د شریکولو او د اوبو سرچینو د مدیریت لپاره دواړو هېوادونو ته واستول شي.

وزیر زراعت افغانستان با معین وزارت انرژی روسیه دیدار کرد
۳۱ جوزا ۱۴۰۴ هـ.ش
مولوی عطاءالله عمری، وزیر زراعت افغانستان، به همراه هیئتی در حاشیه کنفرانس اقتصادی ۲۰۲۵ روسیه با معین وزارت انرژی این کشور و شماری از مسئولان آن اداره دیدار و گفت‌وگو کرد.
در این دیدار، دو طرف درباره همکاری در ساخت بندهای آبی، اعزام انجنیران تخنیکی برای بررسی و تبادل تجربیات در زمینه تکنولوژی‌های نوین آبیاری بحث و تبادل نظر کردند. وزیر زراعت افغانستان با توجه به تجربه موفق کشور روسیه در ساخت بندهای آبی، خواستار همکاری آن کشور در احداث بندها در افغانستان به ویژه انجام پروژه‌های باقی‌مانده بند سرده ولایت غزنی شد.
معین وزارت انرژی روسیه نیز اطمینان همکاری‌های لازم را سپرده  و خاطر نشان کرد که تیم‌های تخنیکی این کشور به برای بررسی و گفتگو درباره پروژه‌ها به افغانستان اعزام خواهند شد.
همچنین، طرفین بر اعزام تیم‌های فنی به هر دو کشور برای بررسی و هماهنگی بیشتر در زمینه شریک سازی تجارب و  مدیریت منابع آب توافق کردند.