یو شمېر هلمندي مخکښ بزګران له نوي کرنیز ټکنولوژۍ سره بلد شول
![یو شمېر هلمندي مخکښ بزګران له نوي کرنیز ټکنولوژۍ سره بلد شول](https://www.mail.gov.af/sites/default/files/2019-12/79203142_2892731704084744_8198596276003012608_o.jpg)
۱۸ لېندۍ ۱۳۹۸
د هلمند د کرنې، اوبولګولو او مالدارۍ ریاست د مرسي کورپ بدیل معیشت پروګرام په همکارۍ ددې ولایت دمرکز لښکرګاه، نادعلي او نهرسراج ولسوالیو سل تنه مخکښو کروندګور ته د نوي کرنیز ټکنولوژۍ په برخه کې عملي زده کړې ورکړي دي.
د هلمند د کرنې رییس زلمي الکو وایي، چې ددې پروګرام موخه له نوي او عصري ټکنولوژۍ سره د کروندګرو بلدتیا او له دغو توکو څخه سمه ګټه پورته کول دي، ترڅو د بزګرانو د عوایدو اوحاصلاتو د لوړوالي لامل شي.
د هلمند دکرنې ریاست وایي، چې د یاد ریاست کارکوونکي هلې ځلې کوي، چې د بېلابېلو نباتاتو عصري کرکېله او عصري کرنیز ټکنولوژۍ د کارونې چارې بزګر او بڼوالو ته ور زده کړي، چې ورسره دودیز کرکېله په پرمختللي او عصري کرکېله بدل شي.