د ننګرهار پوهنتون استادانو د کرنې رییس سره د څېړنو ترسره کولو په موخه د همغږۍ ناسته ترسره کړه
۲ لړم ۱۴۰۳ه.ش
۲۰ رَبِیعُ الْثاني ۱۴۴۶ه.ق
د ننګرهارد کرنې، اوبو لګولو او مالدارۍ رییس مولوي محمد ولي محسن د خپل کار په دفتر کې د ننګرهار پوهنتون د کرنې پوهنځۍ استادانو سره په ننګرهار کې دماسترۍ برناکې زده کړیالانو د څېړنو ترسره کولو او ښې همغږۍ په موخه وکتل.
د ننګرهار پوهنتون استاد پوهندوي نورعلي نور د کرنې ریاست سره په همغږۍ دمعلوموتو او اړتیا پر بنآ د څېړنو ترسره کولو، مشورو او دهر امریت مشخصو موضوعاتو باندې د څېړنو ترسره کولو کې دهمکارۍ غوښتنه وکړه.
د ننګرهار د کرنې، اوبو لګولو او مالدارۍ رییس مولوي محمد ولي محسن راغلو استادانو ته د ښه راغلاست ترڅنګ په ننګرهار کې د کرنې او مالدارۍ په برخه کې د مختلفو څېړنو ترسره کولو خوښي وښوده او په ټولو قانوني چارو کې د همکارۍ او همغږۍ ډاډ ورکړ.
دیادولو ده، چې اوسمهال د ننګرهار د کرنې ریاست په څېړنیز فارم کې د ننګرهار پوهنتون د ماستري برنامې زده کړیالانو په مختلفو برخو کې ۲۲ څیړنې روانې دي.
