کندهار کې د څارویو سرشمېرنې په اړه د د ملګرو ملتونو د خوړو او کرنې ادارې سره ناسته وشوه

mail-admin
دوشنبه ۱۴۰۳/۹/۱۲ - ۱۵:۱۸
کندهار کې د څارویو سرشمېرنې په اړه د د ملګرو ملتونو د خوړو او کرنې ادارې سره ناسته وشوه

۱۲ لېندۍ ۱۴۰۳ه‍.ش
۱ جُمَادَى الثاني۱۴۴۶ه‍.ق
د کندهار د کرنې، اوبو لګولو او مالدارۍ ریاست د مالدارۍ آمریت سرپرست مولوي عبدالغني عفان په مشرۍ د ملګرو ملتونو د خوړو او کرنې ادارې (ایف اې او) استازو سره د څارویو سرشمېرنې او اړوندې همغږۍ په موخه ګډه ناسته ترسره شوه.
په دې ناسته کې د مالدارۍ آمریت مسؤلینو او د ملګرو ملتونو د خوړو او کرنې ادارې استازو ګډون درلود. د ناستې پر مهال د ملګرو ملتونو د خوړو او کرنې ادارې مسؤلینو د څارویو سرشمېرنې، واکسین تطبیق، او نورو اړوندو برخو کې د کندهار کرنې ریاست له لوري د شوو همکاریو څخه مننه وکړه او هیله یې وښوده چې دغه همکارۍ به په راتلونکي کې هم دوام ومومي.
د ملګرو ملتونو د خوړو او کرنې ادارې استازو د څارویو د سرشمېرنې او واکسین کمپاینونو په اغېزمن تطبیق کې د لا زیاتو همکاریو غوښتنه وکړه. چې د مالدارۍ آمریت سرپرست مولوي عبدالغني عفان د څارویو سرشمېرنې او واکسین پروسو د بریالي تطبیق ډاډ ورکړ. نوموړي د مالدارانو لپاره په واکسین او نورو برخو کې د لا زیاتو مرستو غوښتنه وکړه، څو د مالدارۍ سکتور وده وکړي او د مالدارانو اقتصادي حالت ښه شي.  
یاده ناسته د دواړو لوریو ترمنځ د اړینو پرېکړو او سپارښتنو په شریکولو سره پای ته ورسېده. تمه ده چې په راتلونکو پروژو کې د مالدارانو اړتیاوې لا زیاتې پوره شي.

تازه ترین اخبار

دوشنبه ۱۴۰۳/۱۱/۱ - ۱۴:۱۹
Background image

ننګرهار کې د خصوصي سکتور له لورې کرل شوو غنمو لومړنی پلټنه ترسره شوه 

۱ سلواغه ۱۴۰۳ه‍.ش
۲۰ رَجَب المُرَجَّب ۱۴۴۶ه‍.ق
د هلال ګروپ د ۱۴۰۴ کال لپاره په پراخه پیمانه د غنمو کر ترسره کړی، چې د ننګرهار د کرنې، اوبولګولو او مالدارۍ ریاست اړوند اصلاح شویو تخمونو. . .

دوشنبه ۱۴۰۳/۱۱/۱ - ۱۰:۲۴
Background image

د ننګرهار حصارک کې حيواني او نباتي درمل پلورنځۍ وڅارل شول 

۱ سلواغه ۱۴۰۳ه‍.ش
۲۰ رَجَب المُرَجَّب ۱۴۴۶ه‍.ق
د ننګرهار د کرنې، اوبولګولو او مالدارۍ رياست اړوند د حصارک ولسوالی د کرنیزو خدمتونو مدیریت ګډ پلاوي  له لورې، ددې ولسوالی په بازار کې. . .

دوشنبه ۱۴۰۳/۱۱/۱ - ۹:۵۲
Background image

دهلمند بولان مرکزي قوریه کې ٥٠زره قلمې کښېنول شوې

۱ سلواغه ۱۴۰۳ه‍.ش
۲۰ رَجَب المُرَجَّب ۱۴۴۶ه‍.ق
دهلمند ولایت دکرنې، اوبولګولو او مالدارۍ ریاست لخوا، ددې ولایت د طبیعي سرچینو آمریت اړوند بولان مرکزي قوریه کې د زینتي بوټو او  انځرو. . .

بازگشت