کندهار کې د وړیو بازار د همغږۍ په موخه ۳۰ تنو سوداګرو ته ورکشاپ دائر شو

د کندهار د کرنې، اوبو لګولو او مالدارۍ ریاست په هڅو او د (ډي. اې. آی) سازمان په مالي او د (ډي. سي. ای) مؤسسې په تخنیکي همکارۍ، د مالدارۍ آمریت تر څارنې لاندې، کندهار کې ۳۰ تنو د وړیو سوداګرو ته ورکشاپ دائر شو. 
په دې ورکشاپ کې د کندهار ترڅنګ د یوشمېر نورو ولایتونو سوداګرو هم ګډون کړی و، چې ګډونوالو د وړیو په بازار او بازار موندنې کې شته ستونزې او ننګونې شریکې کړې. دوی خپلې اړینې او اغېزمنې تجربې هم تبادله کړې، څو په دې اړه اړینې پرېکړې وشي. 
د یاد ورکشاپ موخه، د وطني وړیو بازار موندنې  زیاتول او شته ستونزو حل کول، دي.