په وروستیو درو کلونو کې یوازې د کرنې وزارت دیوې برنامې له لارې په ننګرهار کې دوه زره او ۶۸۱ جریبه بڼونه جوړ شوي دي
![دوهزار و ۶۸۱ جریب باغ جدید در سه سال اخیر در ننگرهار ساخته شده است](https://www.mail.gov.af/sites/default/files/2021-02/151946202_4069340883090481_3210814057437484777_o.jpg)
۲ کب ۱۳۹۹
د ننګرهار ولایت د کرنې، اوبولګولو او مالدارۍ ریاست وايي، چې له ۲۰۱۸ام کال را په دېخوا د کرنې وزارت د کرنې د ودې او کلیوالي پراختیا پروژې یا «CBARD» له خوا په دې ولایت کې دوه زره ۶۸۱ جریبه بڼونه جوړ شوي دي.
د ننګرهار په ولایت کې په نویو جوړ شویو بڼونو کې د سټروسو، انار، املوکو، شفتالو، مڼې، مالټې، چهارمغزو، ګیلاس او شفتالو بڼونه شامل دي.
د یاد بڼونو د جوړولو ترڅنګ د چپرهار، اچین، خوګیاڼو، شېرزادو، کوټ او روداتو ولسوالیو کې پر یوشمېر ننګرهاري بزګرانو د بڼوالۍ ۹۰۲ کڅوړې هم وېشل شوي دي.