پروان کې د کرنیزو محصولاتو مدیریت د پروژې چارې تر یوې اوونۍ بشپړیږي
![پروژههای مدیریت محصولات زراعتی در پروان آماده بهرهبرداری میشود](https://www.mail.gov.af/sites/default/files/2020-10/122036276_3732837693407470_2173928008206833167_o.jpg)
۲۹ تله ۱۳۹۹
د پروان د کرنې، اوبولګولو او مالدارۍ ریاست وایي، چې په دې ولایت کې د کرنیزو محصولاتو مدیریت د پروژو رغنیزې چارې د بشپړېدو په درشل کې دي او تر یوې اوونۍ پورې ګټې اخیستنې ته چمتو کیږي.
د کرنې، اوبولګولو او مالدارۍ وزارت، د کرنیزو محصولاتو مدیریت د پروژې په اډانه کې، د پروان لپاره د ۴۳۱ نویو کرنیزو پروژو چارې پیل کړي دي، چې په کې ۱۵۲ ممیزخونې، د پیازو ۲۰۱ او د کچالو ۳۵ زېرمتونونه او د مېوو ۱۲ صفر انرژۍ سړې خونې جوړول شامل دي، چې رغنیزې چارې یې د بشپړېدو په درشل کې دي. دغه راز د یادې پروژې له لارې ددې ولایت پر یوشمېر کروندګرو مېرمنو د مېوواو سبو ۳۰ لمریز وچووني دستګاوې هم وېشل شوي دي.