هلمند کې د صحرایي ملخانو د احتمالي راتګ په پار د عامه پوهاوی کمپاین پیل شو
![هلمند کې د صحرایي ملخانو د احتمالي راتګ په پار د عامه پوهاوی کمپاین پیل شو](https://www.mail.gov.af/sites/default/files/2021-04/whatsapp_image_2021-04-05_at_2.33.52_pm.jpeg)
۱۶ وری ۱۴۰۰
د هلمند ولایت د کرنې، اوبولګولو اومالدارۍ ریاست د ملګرو ملتونو د خوړو او کرنې ادارې «FAO» په همکارۍ د هلمند ولایت په مرکز لښکرګاه او پنځو ولسوالیو کې د صحرایي ملخانو احتمالي راتګ څخه دمخنیوي په پار بزګرو ته د عامه پوهاوی کمپاین پیل کړی دی.
د هلمند د کرنې ریاست چارواکي وایي، چې د عامه پوهاوی په دې لړۍ کې به د یادو ولسوالیو ۸۰۰ بزګران د ملخانو د کنټرول میکانیزم، د صحرایي ملخانو پېژندنه، د جرونو یا کندو کېندل، د صحرایي ملخانو اصلي منشا پیداکول او درملو استعمال په اړه به وروزل شي، تر څو د اړتیا پر وخت له وړاندې ورته چمتوالی ولري.
داچې هر کال هلمند ته په نا څاپي توګه ډلییز صحرایي ملخان راځي او بیا شنو فصلونو او بڼونو ته په پراخه کچه زیان اړوي، په همدې موخه د هلمند ولایت د کرنې ادارهڅه کوي ترڅو د خپلو فني اومسلکي کارکوونکو پر مټ د یادو صحرایي ملخانو د احتمالي راتګ پر وړاندې بزګرو ته له وړاندې عامه پوهاوی ورکړي او دوی وهڅوي، چې ترلاسه شوې تجربې د سیمې له نورو بزګرو سره هم شریکې کړي