هرات کې یو ۵۰۰ ټني سړه خونه ګټې اخیستنې ته وسپارل شوه

mail-admin
دوشنبه ۱۳۹۸/۸/۲۷ - ۱۴:۴۲
 یک سردخانه‌ی ۵۰۰ تنی در هرات به بهره‌برداری سپرده شد

۲۷ لړم ۱۳۹۸
د کرنې، اوبولګولو او مالدارۍ وزیر نصیر احمد درانی هرات ولایت ته د خپل سفر په ترڅ کې، په دې ولایت کې د کرنیزو توکو یوه معیاري سړه خونه چې د ۵۰۰ ټنه کرنیزو توکو د ساتنې وړتیا لري ګټې اخیستنې ته وسپارل.
دغه سړه خونه د کرنې، اوبولګولو او مالدارۍ وزارت له خوا د سوداګریز بڼوالۍ او کرنیز بازارموندنې موسسې «CHAMP»او د امریکا متحده ایالاتو نړیوال پراختیایي ادارې «USAID»په همکارۍ یوې کورني پانګوال ته جوړه شوې ده.
په هغه غونډه کې، چې ددې سړې خونې د ګټې اخیستنې په موخه جوړه شوې وه د کرنې، اوبولګولو او مالدارۍ وزیر نصیر احمد درانی له « زیارت‌جایي » خصوصي شرکت چې، ددې سړې خونې د جوړولو په پار د «سب سایډي» په ډول کار کړی او د سوداګریز بڼوالۍ او کرنیز بازارموندنې له موسسې نه مننه وکړه. هغه ددې موسسې کړنې ارزښتناکې وبلل.
ښاغلی درانی وویل: «د هېواد له ټولو پانګوالو غواړو چې په ملي پروسو کې د ونډې اخیستلو په پار دې ګام وچت کړي، نه یواځې خپل ځان ته بلکې ټولو هېوادوالو ته اساسي کارونه وکړي.»
په ورته وخت کې د زیارت‌جایي شرکت مرستیال عبدالله وهاب‌زداه چې ددې سړې خونې مالکیت لري، ددې سړې خونې د اهمیت په هکله وویل: «دغه سړه خونه د تازه او وچو مېوو د ساتنې په برخه کې ډېر زیاد اهمیت لري، موږ کولای شو، چې له دې سړې خونې څخه د انګورو او نورو مېوو په ساتنه کې ګټه پورت کړو او ددې سړې خونې په جوړولو کې د کرنې وزارت له همکاریو مننه کوو.»

دغه سړه خونه د ۳۰۰ زره امریکایي ډالرو په ارزښت جوړه شوې ده. ددې سړې خونې د جوړولو ۵۰ سلنه لګښت د پانګوال شرکت او ۵۰ سلنه نور یې د ««CHAMPموسسې په همکارۍ د کرنې وزارت له خوا ورکړل شوې ده.

باید وویل شي، چې دکرنې وزارت له خوا د هېواد په یوشمېر ولایتونو کې د دوولس ۵۰۰ ټني سړو خونو د جوړولو لومړني چارې بشپړ شوي دي او ټاکل شوې ده، چې د جمهوري ریاست عملیاتي ادارې له خوایي د چارو عملي کولو لړۍ ډېر ژر پیل شي.

 

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت