هرات کې د کرنې او خوړو خوندیتوب بېړنۍ پروژه پرانیستل شوه
۱۲ غبرګولی ۱۴۰۰
د کرنې، اوبولګولو او مالدارۍ وزارت د اوبولګولو او طبیعي سرچینو مرستیال حشمت الله غفوري، هرات ولایت ته د خپل سفر په ترڅ کې په دې ولایت کې د کرنې او خوړو خوندیتوب بېړنۍ پروژې «EAST» دفتر پرانیست.
ښاغلی غفوري وویل، چې د روان کال لپاره یاده پروژه هرات کې ۴۰۰ میلیونه افغانۍ بودیجه لري.
ښاغلی غفوري وویل، چې یاده پروژه د آبرېزو، چکډمونو او د اوبولګولو کانالونو د بیارغونې او جوړولو، د اصلاح شویو تخمونو وېش او د نویو بڼونو او ممیزخونو جوړولو په برخه کې فعالیت کوي.
