ننګرهار کې د کلک زړو مېوو نندارتون په لاره واچول شوه

۱۴ غويی ۱۴۰۰
دننګرهار د کرنې، اوبولګولو اومالدارۍ ریاست له خوا د ننګرهار ولایت په مقام کې د کلک زړو مېوو يو ورځنی نندارتون په لاره واچول شوه.
په دې نندارتون کې د ننګرهار والي ضیأالحق امرخېل، د ولایت مرستیالان، د کرنې ريیس انجنير انعام الله صافی، د سکتوري ادارو ریسان  او نورو مسوولین ګډون درلود.
یاد نندارتون کې د ننګرهار کرنې ریاست د مېوو کلکسون د کلک زړو مېوو لکه شفتالو، آلوچه، زردالو او لوکاټو ٤٠  ډولونه د لاښه ترویج او بزګرانو ته د نویو ډولونو پېژندنې په پار  نندارې ته اېښودل شوي ول. دافغانستان په شپږو زونونو  کې د مختلفو مېوو ملي کلکسونونه جوړ شوي، چې یو له هغو څخه د ننګرهار کرنې ریاست دمېوو کلکسون دی،  چې  ملي کلکسونونه لري لکه انځر ، خرما، سټروس، زیتون، املوک او لوکاټ ډول ډول نیالګي ترڅېړنې لاندې نیول شوي دي. د مېوو کلکسون تراوسه په کلک زړو مېوو کې دشفتالانو د اتو ډولونو څخه ٥ ،  آلوچو  د اتو ډولونو څه ٣،  د زردالو د ۱۲ نوعو څخه ٣ نوعې بزګرانو ته  دکښت سپارښتنه کړې ده.
د همدغه سپارښت شویو ډولونو څخه د ننګرهار د کرنې ریاست په ۱۸ ولسوالېو کې په  زرګونه  جریبه ځمکه کې بڼوالو ته بڼونه  جوړ کړي، چې بڼوال ترې ښه عوايد ترلاسه کوي.