میدان وردګو ولایت کې سږکال د کچالو ۲۵۸ زېرمتونونه جوړ شوي دي

mail-admin
سه‌شنبه ۱۳۹۹/۹/۱۱ - ۱۶:۶
میدان وردګو ولایت کې سږکال د کچالو ۲۵۸ زېرمتونونه جوړ شوي دي


۱۱ لیندۍ ۱۳۹۹
د کرنې، اوبولګولو او مالدارۍ وزارت د کرنیزو محصولاتو مدیریت د طرحې په اډانه کې او د دې وزارت د بڼوالۍ ځنځیري ارزښت د ودې سکټوري پروژې له لارې، د میدان وردګو ولایت په مرکز میدان ښار او ددې ولایت په ولسوالیو کې سږکال د کچالو ۲۵۸ زېرمتونونه جوړ کړي، چې د ډېرو هغو چارې بشپړ او ګټې اخیستنې ته سپارل شوي دي.
د میدان وردګو ولایت دکرنې رییس ولید احمد تسل وایي، چې په دې ولایت کې د کچالو د ۲۵۸ زېرمتونونو له ډلې ۱۵۰ زېرمتونونه یې، چې د کرنې وزارت د بڼوالۍ ځنځیري ارزښت د ودې سکټورې پروژې له خوا پلي کېدل بشپړ او ګټې اخیستنې ته سپارل شوي دي. د ښاغلي تسل په خبره د پاتې ۱۰۸ نورو زېرمتونونو رغنیزې چارې هم په چټکۍ روانې دي او په راتلونکې اوونۍ کې به ګټې اخیستنې ته وسپارل شي.
د میدان وردګو ولایت د کرنې رییس وویل، چې اوس ددې ولایت بزګران کولا شي، چې دکال سلګونه ټنه کچالو چې د دوی له مصرف او پلور څخه زیاتیږي، په دغو زېرمتونونو کې یې زېرمه کړي.
د میدان وردګو ولایت د مرکز میدان ښار یوتن بزګر قدرت الله چې دکرنې وزارت له خوا ورته د کچالو زېرمه تون جوړ شوی وایي: «سږکال ماته د کرنې وزارت له خوا د کچالو زېرمه تون جوړ شوی دی، چې د خپلې کروندې دکچالو حاصلات مې په کې زېرمه کړي دي.» قدرت الله وویل، چې د خپلو حاصلاتو د خرابېدو اندېښنه نه لري او هیله لري، چې کچالو یې په ښه بیه خرڅ شي. نوموړی وویل، چې په تېرو کلونو کې د زېرمه تون د نه شتون له وجې به یې د کچالو محصولات په ټیټه بیه خرڅېدل. قدرت الله اوس د زېرمتون خاوند دی او خپل محصولات په کې خوندي کوي.
یاد زېرمتونونه هر یوه یې دڅه باندې ۱۲ مټریک ټنه کچالو د ساتنې وړتیا لري. له دغو زېرمتونونو څخه په استفادې سره د میدان وردګو ولایت بزګران کولای شي، چې دکال سلګونه مټریک کچالو زېرمه او په مناسب وقت کې یې بازار ته وړاندې کړي.

تازه ترین اخبار

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

سه‌شنبه ۱۴۰۵/۸/۵ - ۱۵:۴
Background image

د روزګان خاص روزګان ولسوالی کې ۵۰۰ بزګرانو ته د غنمو د اصلاح شویو تخمونو او کيمياوي سرو د وېش لړۍ پیل شوه

۵ لړم ۱۴۰۵ هـ.ش
۱۵ جُمَادَى الأول ۱۴۴۸ هـ.ق
د روزګان ولایت د کرنې، اوبولګولو او مالدارۍ ریاست په هڅو ، د «ان‌ارسي‌سي» مؤسيسې په تخنیکي او د خوړو نړۍوالې ادارې په مالي همکارۍ، د روزګان. . .

بازگشت